WILLEMSTAD-YÜLI:  Digicel ta trese koló na e zomer aki dor di duna tur kliente ku aktivá ‘One Rate’ oportunidat di gana 2 pasashi tur siman! E ‘Summer Campaign’ di Digicel lo hibabo diferente destinashon den nos region ku Insel Air e.o St. Maarten, Colombia, Sürnam, Boneiru i Aruba.  Djadumingu awó, Digicel ta inisiá su beach tour na Playa di Caracasbaai 11’or di mainta i mas mèrdia 1’or nan lo ta na Playa di Parasasa. ”Pa añadí aun mas tantu dibertishon na e temporada,  Digicel ta hasi un rekorido na diferente playa na Kòrsou partiendo kuki, chips i material di promoshon pa asina kompleta un berdadero ‘fun day at the beach’ ”, esaki di akuerdo ku Thessa Fleming, relashonista públiko di Digicel Kòrsou. Djadumingu 4 di Ougùstùs nan lo ta na Playa Kenepa Grandi i Chikí entre 11:00 am i 13:30. Djadumingu 11 di Ougùstùs Digicel lo pasa na Playa Forti i na Lagun entre 11:00 am i 1:00 pm. Pa kulminá e Summer Campaign beach tour, lo pasa por último 18 di Ougùstùs na Playa Santa Cruz i Playa Daaibooi entre 11:00 am i 3:00 pm. Durante di e kampaña klientenan tin chèns di gana premio via di e popular página di Facebook di Digicel tambe; ‘topa’ ku Digicel kant’i awa, saka un potrèt riba e stulnan di InselAir i invitá bo amistatnan pa ‘like’ bo potrèt riba e fanpage di Digicel pa bo por gana bo pasashi pa sea Aruba òf Boneiru. Wak pa bo ta na un di e playanan ku Digicel lo bishitá pa bo tambe ta aden ku un chèns di gana 2 pasashi dor di aktivá One Rate òf sakando potrèt ku Digicel i InselAir.