WILLEMSTAD: Fin di siman tras di lomba a tuma lugá e di dos edishon di ‘Curaçao Color Walk 2015’ organisá pa JCI i Ernst and Young. Digicel ta kontentu di por a forma parti di e kaminata aki ku a resultá un éksito rotundo ku kasi 5,000 partisipante. Manera ya kaba previamente anunsiá Digicel a patrosiná e di dos ‘color station’ riba e ruta- esaki riba Helmin ‘Magno’ Wiels Blvd. representando e koló lila. “Nos ta kontentu di por a forma parti di e aktividat aki, pa un bunita kousa. Hasiendo esaki nos a duna oportunidat na tur trahadó pa kana den e ‘Curaçao Color Walk 2015’; algu mas ku 100 trahadó di Digicel a partisipá djadumingu último”, esaki di akuerdo ku Shayenne Rock, marketing manager pa Digicel Kòrsou. Digicel ta felisitá e organisashon pa un evento sumamente eksitoso i kolorido; tur ku a partisipá tabata tin un vibrashon hopi positivo. Riba fotonan athuntu por haña un impreshon di e ‘color station’ di Digicel – pa un dia Digicel tabata ‘lila’ i tur esei pa un bon kousa. Pabien!