WILLEMSTAD: E fin di siman aki Digicel lo forma parti di otro tremendo ‘dance event’, e biaha aki ku presentashon di Dj. Hardwell ku lo tuma lugá riba Kleine Werf djabièrnè awor dia 18 di sèptèmber. Bishitá e ‘Digicel Booth’ djabièrnè awor durante Hardwell unda bo por gana premio dor di hunga e wega di Dr. Bibber i ‘Spin the Wheel’. Tambe Digicel lo parti e popular kùp ‘glow in the dark’ i otro material di promoshon. Ademas di esaki, Digicel lo tin su popular ‘recharge zone’ na unda ku bishitantenan por ‘lounge’ i rekargá bateria di nan telefon mientras nan ta disfrutá. Na 2013 i 2014, Hardwell a keda rekonosé komo e mihó Dj di mundu dor di Dj Magazine su tòp anual ‘Top 100 Dj’s’. Djabièrnè awor, fanatikonan di EDM (Electric Dance Music) lo disfrutá sigur di un fushon di bon músika, efektonan di lus i tur e euforia ku un ‘dance event’ ta trese kuné. E organisashon di Face It Events, ta garantisá ku Hardwell lo surpasá espektativa un biaha mas. Pa e djabièrnè aki tambe lo tin presentashon di e.o Dannic, Naffz, Paco i Dj Natsuj. Disfrutá di Hardwell!