…400 kara kontentu durante fiesta di Sanikolas…

KRALENDIJK- Desèmber: Resientemente Digicel a bishita FESBO pa duna un atenshon spesial na 400 mucha ku ta miembro di e organisashon. “Un regalu pa tur mucha, esei tabata e intenshon. Naturalmente nos no por komplasé tur mucha di Boneiru pero ku e gesto aki, nos ta deseá di ta un ehèmpel pa otro kompanianan den komunidat”, esaki di akuerdo ku Sra. Irvinia Daantje, relashonista públiko pa Digicel Boneiru. Durante di e fiesta di Sanikolas ku a tuma lugar na Sentro di Bario Noord Saliña, Digicel a hasi 400 mucha di entre 3 pa 12 aña kontentu. Pa añadí un toke di selebrashon, Digicel a repartí t-shirt di Sanikolas pa tur mucha i soundmakers. Ademas di esaki tur mucha a haya kos di kome, cupcakes, saku di mangel i hopi otro detaye mas ku a kompletá un fiesta di Sanikolas tur afó. Sanikolas i su Pietnan a duna un presentashon tur afó i tur mucha a gosa sin fin, ademas di e show di Sanikolas tabata tin bouncer pa e muchanan rekreá i animashon musikal di Magic ED. “Kuatershen kara kontentu, a sirbi di inspirashon pa krea esensia real di un fiesta di regalu. Nos ta spera ku tur mucha a pasa un ratu kontentu. Nos ta gradisí tur lider di FESBO ku a koperá i ta deseá nan hopi éksito ku nan trabounan diario na unda ku ta pèrkurá pa tur mucha risibí guia despues di skol”, asina Irvinia Daantje, relashonista públiko pa Digicel Bonaire a finalisá. Riba fotonan athuntu por haña un impreshon di e fiesta di Sanikolas ku tabata tin resientemente na unda ku Digicel a opsekiá 400 mucha di FESBO un atardi hopi plasentero i regalu na gran kantidat!