Willemstad, Curaçao – Tabata djabièrnè último ku Digicel a lansa nan divishon di Business. Den un konferensha kombiná ku un almuerso pa invitadonan empresarial ku a tuma lugar na Marriott Resort, Sr. Sander Gielen, CEO di Digicel Dutch Caribbean a introdusí e portofolio ekstenso di Digicel Business. Ademas di hasi introdukshon di e divishon nobo, tambe a introdusí Digicel su linea di produkto di ICT. Sr. Sander Gielen a habri e mainta na Marriott Resort gradisiendo tur hende pa nan presensia, despues di esaki a hasi introdukshon di e partnernan di Digicel, konosí komo; ChannelCloud, Avaya, Broadsoft, Cisco,  Blackberry, BLU, Netvision huntu ku Digicel Cloud & Managed Services. Kada sosio a hasi un presentashon breve di nan produkto i servisio di ICT kombiná ku e Business Solutions. Na su turno, Digicel a presentá su produktonan den e portofolio di ICT, esakinan a inkluí Cloud Backup, Cloud Hosted PBX, Managed Services, Smart Metering, Vehicle Tracking, SIP (Fixed Voice pa uzo di yamada den ofisina), Dedicated Internet Access, Mobile Advertising, Networking i tambe Mobility solutions. Despues di e último presentashon, a hasi un ‘raffle’ entre empresario i representante di negoshi presente siguí pa un almuerso na unda ku tur hende a risibí oportunidat di kòmbersá riba e presentashon, nètwèrk i sera kontaktonan balioso. Entre e invitadonan tabata tin diferente doño di empresa, CEO’s, mènedjernan di departamentu di IT, CIO (Chief Information Officers), FC’s i CFO (Chief Financial Officer) di diferente empresa na Kòrsou. Un ‘highlight’ ku sigur a wòrdu trese dilanti, ta e echo ku Digicel Business a risibí su Customer Satisfaction Excellence Gold Star di Cisco, riba esaki Sr. Sander Gielen, a bisa; “Klientenan empresarial den henter region i na mundu ta eksigí standartenan haltu den servisio na kliente- i surpasá nan espektativanan ta algu ku nos ta tuma hopi na serio. Bisando esaki, nos ta hopi orguyoso pa keda rekonosé dor di Cisco pa ‘Excellence in Customer Satisfaction- ku ta e distinshon di mas haltu ku un partner por risibí den e Cisco Channel Partner Programme. Esaki ta prueba di e kalidat di nos empleadonan i e determinashon pa alkansá ekselensia den programanan di entrenamentu i eksperensia na kliente”. Digicel ta e úniko Cisco & Avaya Gold Parners den Caribe. “Nos ta mirando eksigensianan den tur nos merkadonan pa inovashon i redukshon den gastunan den komunikashon i dor di ofresé berdadero balor den redukshon di gastu, nos ta ofresé e kliente un eksperensia muchu mas elevá. Ademas di esaki nos ta yuda nan, ku un mihó servisio pa nan propio klientenan tambe- un situashon ‘win-win’ pa ámbos partido”, di akuerdo ku Gielen di Digicel. Pa mas informashon tokante di servisionan i produktonan di Digicel Business por tuma kontakto ku Digicel na +5999 654.0000 òf email ICTCuracao@digicelgroup.com Riba foto athuntu, Sr. Sander Gielen, CEO di Digicel Caribe Ulandes dunando presentashon djabièrnè último na Marriott Resort i tambe parti di e presentashon ku a wòrdu duná na okashon di lansamentu di Digicel Business Solutions.