E tarifa di mas abou na Kòrsou, pa PrePaid i PostPaid

WILLEMSTAD:- For di dia ku Digicel a lansa su operashonnan riba nos merkado, e ophetivo tabata pa ofresé e kliente semper e mihó. Su lema, ‘Ta Ekstraordinario’ ta para pa kalidat no únikamente den servisio pero tambe pa ofresé e kliente muchu mas balor pa su plaka. E introdukshon di e 44 sèn pa minüt na aña 2012, a wòrdu risibí ku brasa habrí serka klientenan di Digicel i te dia di awe ta gosa di un akohida total. “Nos tarifa di 44 sèn pa minüt for di telefonnan pre-pago Digi pa Digi, di numbernan di Digicel pa telefonnan riba otro plataforma òf di Digicel pa liña figo ta esun mas abou den merkado, di esei no tin duda”, Sr. Sander Gielen, CEO pa Digicel Dutch Caribbean ta komentá masha orguyoso di loke nan komo kompania di telekomunikashon por ofresé na Kòrsou. “Ta nos kustumber kaba ku nos ta ofresé tarifanan kompetitivo pa tantu yamadanan lokal i internashonal. Loke ta importante pa nos, ta ku semper e klientenan ta sali benefisiá. Nos deseo ta pa keda ofresé un eksperensia sólido di yamada”. Loke ta separá Digicel for di otronan i dun’e un bentaha: Digicel ta ofresé un plataforma 4G na Kòrsou, e mihó kobertura i un departamentu dediká na satisfakshon di kliente. Ta importante pa e kliente skohe un bon ‘Voice Package’, unu ku ta fit den su patronchi di yamada. Esaki ta masha fásil; e mester djis analisá su kustumber di yamada i despues skohe un plan ku ta wòrdu determiná dor di e numbernan ku mas tantu e ta yama. Digicel ta ofresé diferente pakete. E paketenan post-pago (Post Paid) ta optenibel den 5 diferente struktura, aki Digicel a pensa riba tur tipo di kliente ku tur tamaño di pòtmòni. E tarifanan den e paketenan ‘bundle’ por varia entre 0.15 i 0.25 sèn pa minüt dependiendo di e uso. Unabes e kliente surpasá e minütnan ku ta keda kontá den e pakete ‘bundle’ lo kobra e yamadanan uzando e tarifa di 0.44 sèn pa minüt for di telefonnan Digicel pa Digicel. Esaki mesora ta hasi Digicel no únikamente e promé opshon pa e kliente, pero tambe e mihó! “Tumando nota di algun publikashonnan resientemente no kompletamente bon formulá; ta importante pa duna un splikashon kompletu i detayá na e kliente. Usualmente nos ta hasi esaki den un kombersashon ameno na nos ofisina”, asina Sr. Gielen a kontinuá. E tarifa di mas abou na Kòrsou ta wòrdu ofresé dor di Digicel, 44 sèn pa minüt. Pensando riba desaroyonan nobo den merkado Digicel ta sigui avansá den forma sólido ku bista riba futuro. Asina por menshoná ku paketenan nobo ta inkluí ‘Digicel ABC Unlimitted’, ‘Data Roaming’ grátis den islanan ABC i paketenan ku ta manehá e kosto pa e kliente na momentu ku e ta yama un number riba un otro plataforma. E data ku Digicel ta ofresé su usuarionan ta esun di mas grandi riba nos isla, mirando ku e kompania ta ofresé te ku 7Gb pa Smartphones i 30Gb pa Tablet òf Dongles na klientenan post-pago. Pa mas informashon riba kualke servisio òf pakete por bishitá e wepsáit http://www.digicelcuracao.com òf yama sentro di servisio pa kliente na number 7361056 òf 145 grátis for di bo selular. Por komuniká tambe via Facebook https://www.facebook.com/DigicelCuracao.