Sinku diferente manera pa rekargá, sinku diferente manera pa gana!

WILLEMSTAD:- Digicel a djòin Maduro & Curiel’s Bank (MCB) den un kampaña ku sigur lo benefisiá klientenan di ámbos empresa. Kada bes ku e kliente rekargá via un di e sistemanan di MCB e tin chèns di gana tremendo premio. E kampaña ta brinda klientenan e oportunidat di gana un smartphone tur siman rekargando ku un di e 5 servisionan di MCB: sea MCB@Home, MCB Mobile App, Pagomatiko, SMS 1111, òf na kualke Bankomatiko di MCB.. “Nos ta masha kontentu di por hasi e kampaña aki huntu ku MCB un biaha mas, na mes momentu ta yuda konsientisá e usuario riba e diferente otro maneranan ku tin pa rekargá nan telefòn selular, ku no ta e usual karchi di telefòn”, esaki di akuerdo ku representante di merkadeo pa Digicel Kòrsou. E promé ganador den e kampaña a resultá Mildred de Jongh, ku resientemente a tuma su premio na MCB Saliña. Masha pabien!

E kampaña ta vigente te dia 11 di òktober próksimo. Tin kondishonnan aplikabel. Pa mas informashon di e kampaña aki bishitá e wèpsait http://www.digicelcuracao.com òf yama sentro di servisio pa kliente na number +5999 7361056 òf 145 grátis for di bo selular di Digicel.