Digicel lo bai ofresé produktonan di Mitel

Willemstad – Ougùstùs 2015: Digicel Group a anunsiá ku e kompania awó ta un sosio di Mitel, un proveedor lider di komunikashon unifiká i solushon di software. E asosiashon aki ta nifiká ku komo un proveedor di komunikashon, servisionan den ‘Cloud’ i entretenimentu, Digicel por ofresé solushonnan avansá di komunikashon di Mitel na tur su klientenan den Caribe, Sentro Amérika i  Sur Pasífiko.

“Organisashonnan awendia ta buska solushonnan avansá di komunikashon ku ta sostené nan nesesidatnan empresarial, ta benefisioso den kosto general i ta mehorá resultadonan di nan empresa. E kapasidat di Mitel pa entregá mas balor na su klientenan ta basá riba nan asosiashon fuerte di partnernan”, esaki di akuerdo ku Philip Keenan, Visepresidente di Mitel, sosio na Merka. “Nos ta yama bon biní na Digicel Group, un proveedor di komunikashon lider den su region i nos ta den espektativa pa traha huntu i yuda e kliente fortalesé su negoshi”. Sosionan outorisá di Mitel mester kumpli ku un serie di eksigensia pa por yega na remarke pa bende i ofresé produktonan di Mitel den nan respektivo merkado. Esaki ta inkluí trainingnan pa benta i servisionan tékniko, proseso i kriterio di referensia pa brinda servisio di kalidat na e kliente i un grado haltu di eksperensia den komunikashon di bos, red di data i aplikashonnan manera virtualisashon, komunikashon, kolaborashon, sentro di kontakto i mobilidat.

Di akuerdo ku Martin Carroll, Direktor di Operashon di Business Solutions di  Digicel Group; “Dor di agregá Mitel su portafolio di komunikashon unifiká i ‘premise-based communication solutions’ na e lista di produktonan eksistente, nos ta konvensí ku nos por brinda nos klientenan di kualke tamaño servisionan adaptá na nan nesesidatnan spesífiko i ofresé mas balor empresarial. E portafolio di Digicel Business-di bos, data i ‘cloud’ ta esun mas amplio den henter Caribe, e ta pèrmití mehoransa di mobilidat i efisiensia den organisashonnan grandi i chikitu”. Pa mas informashon tokante di e produktonan di Mitel, por tuma kontakto ku e departamentu di ICT na 654-0000 of e-mail BusinessSolutionsCuracao@digicelgroup.com.