E compania ta sigui crece y sigui innova

ORANJESTAD, Aruba – December 2015: Digicel Group a anuncia su partnership despues di a adkiri un participacion mayoritario den servicio financiero, Prism Holdings, pa un suma no revela.

A funda Prism Holdings na aña 1993 na Barbados dor di Edward Ince y Mike Parris. Prism Holdings ta un empresa di capital priva y e compania  ta opera den 22 pais. Su sede regional ta na Barbados, pero cu oficinanan na Bahamas, Jamaica y Trinidad y Tobago. Prism ta ofrece sistema di pago,  informacion y ta conta cu un base amplio di centro di data y procesamento  di transaccionnan financiero.

“Digicel Group ta sigui expande y hunto cu esaki den mesun ritmo e cantidad di producto y servicio di acuerdo cu e convergencia di comunicacion digital. Nos ta encanta pa yama bon bini na Prism Holdings den e famia di Digicel. Edward y Mike a haci un bon trabao den lanta un negoshi exitoso y nos ta spera cu hopi interes  pa cuminsa traha cu nan y nan ekipo pa asina haci nos negoshi crece un poco mas y amplia mas nos liñanan di producto y servicio”, asina Bob Sprengers, gerente general di Digicel Aruba a comenta.

“E movemento  ta nifica un crecemento acelera pa nos negoshi y ta brinda nos e capacidad pa tuma bentaha den oportunidadnan mas grandi. Digicel ta un socio strategico y corecto pa nos y nos ta sigura cu nos lo crece hunto”, asina Edward Ince y Mike Parris a expresa cu satisfaccion despues di a caba di firma e acuerdo.