Crecemento di 30% den mercado local durante di e ultimo 6 lunanan
ORANJESTAD: Digicel Aruba su departamento dedica na ICT Business Solutions ta registra un crecemento di 30% durante di e ultimo 6 lunanan. “Nos ta masha contento cu esaki. Empresarionan a bin ta comproba cu e solucionnan riba tereno di ICT cu Digicel Business ta ofrece, ta facil y practico pa implementa. Ademas ta garantisa un rendimento den inversion mesora,” asina Pablo Carmona, Head of Enterprise Sales di Digicel Aruba ta indica. E crecemento ta danki na un inversion cu Digicel a haci den un red detaya pa tur cliente. Esaki ta nifica cu cada empresa tin un account manager personal cu nan por yama na tur momento di dia. E account manager tin conocemento di e tipo di negoshi y e servicionan y/o solucionnan cu tin mester pa cada negoshi respectivamente.
Digicel Aruba ta un partner ideal
Industria di hospitalidad i departamentonan gubernamental na Aruba a bin ta haci uzo di solucionnan ICT cu Digicel ta ofrece pa halsa efectividad di producto y servicio. Di acuerdo cu Pablo Carmona, e servicionan mas pidi durante di e ultimo 6 lunanan aki ta coneccion di internet pa negoshi y cas, e sistema di SIP cu ta e telefon via internet, diferente sistema y opcion di telefon, y tambe instalacion di netwerk y siguridad di data. Digicel Business tin un lista amplio di mas cu 640 acreditacion- pues, un partner solido cu un compromiso serio pa aumenta eficiencia di clientenan!
Certificacion di proveedornan mundial
No mester preocupa mas cu ‘cyber-security’, ‘stock logistics’ y perdida di data y documento. Digicel Business ta un partner certifica di proveedornan mundial den solucionnan ICT, entre nan Microsoft, Dell, Oracle, HP, IBM, Fortinet y Broadsoft. Ademas, e ‘Cisco® Gold Certification’ ta inclui un certificacion pa provee maneho riba servicionan ‘Cloud’ di Cisco pa Caribe- esaki mesora ta pone Digicel Business riba e nivel di mas halto entre partnernan di Cisco y sigur un partner ideal pa bo empresa. Pa mas informacion por bishita www.digicelbusiness.com/aw.