… divishon dediká na mundu empresarial ta keda premiá…

Willemstad, Curaçao –Digicel  ta kontentu di por anunsiá ku nan a risibí ‘Partner of the Year’ Award di e proveedor Avaya. E premio a keda presentá durante di e Avaya Partner Connection Day  ku resientemente a tuma lugar na San Juan, Puerto Rico. Avaya su Managing Director pa Caribe i Amérika Sentral, Jose Fernandez, a anunsiá e premio bisando; “Nos ke felisitá Digicel Business ku e rekonosementu di ‘Best Business Partner” pa Caribe, America Sentral i region. E premio aki ta konfirmá e kompromiso i dedikashon ku Digicel Business tin pa kumpli ku tur nesesidat ku klientenan tin den e diferente servisionan ku nos ta ofresé den nos merkadonan.” E seremonia ku alabes a marka e klousura di e siman di konferensha i seminario, a wòrdu tene pa rekonosé i premia Avaya su mihó partner i kolaboradornan di 2013. E aña aki, Digicel Business a wòrdu nominá den 4 kategoria, esaki a inkluí Best Marketing Partner of the Year, Best Project of the Year i tambe Best Sales Executive of the Year. Na 2012, Digicel Business a gana e premio di Best Project of the Year pa e Digicel Contact Centre i tambe Sales Executive of the Year. Sr. Sander Gielen, CEO di Digicel Dutch Caribbean ta komentá di ta sumamente kontentu ku e bon notisia aki. “E rekonosementu di Avaya ta konfirmá nos kompromiso pa keda brinda servisio di ekselensia na nos klientenan Nos a bin ta enfoká pa ekspandé nos servisionan tékniko i e variedat grandi di produktonan ICT ku nos por ofresé nos klientenan den Caribe, America Sentral i region. Nos ta mira e premio aki komo un rekonosementu pa e manera kon Digicel a desaroyá for di un kompania ku ta ofresé únikamente telekomunikashon mobil pa un kompania lider den Business Solutions. Klientenan empresarial den henter region i na mundu ta eksigí standartenan haltu den servisio na kliente- i surpasá nan espektativanan ta algu ku nos ta tuma hopi na serio”.