Entre e top 5% di “Microsoft Partners” mundialmente. Ta gana destincion pa medio di demostracion di exito tecnologico y nan compromiso cu clientenan

24 di november, 2016 – ORANJESTAD, ARUBA: Digicel Business, e lider regional den provee solucionnan pa negoshi, awe a anuncia cu nan a logra e capacitacion di “Small and Midmarket Cloud Solutions” na e nivel “silver”, re-enforsando nan abilidad pa cumpli cu e necesidadnan di e clientenan di Microsoft Corp cu ta sigui desaroya den e ambito actual cu tin un caracter “mobile first, cloud first”.

E capacitacion pa Microsoft Small and Midmarket Cloud Solutions ta nifica cu partnernan a demostra nan experticio cu exito pa medio di examennan rigoroso. Ademas, pa sigura e calidad mas halto di servicio, Microsoft ta rekeri referencianan di clientenan cu ta refleha e implementacion exitoso y satisfaccion di cliente.

Cu tecnologia di negoshi pa companianan chikito y mediano, esta Small Medium Business (SMB) y Small Medium Enterprise (SME) como areanan clave pa Digicel Business, e logro aki ta prueba cu Dgicel Business ta enfoca riba e crecemento explosive di solucionnan basa riba tecnologia “cloud” pa su clientenan, particularmente concentrando riba solucionnan cloud di e compania Microsoft.

“Microsoft su capacitacion pa cu solucionnan di cloud pa e mercado chikito y mediano ta pone nos den un grupo exclusivo di expertonan riba tereno di “cloud”, mas ainda subrayando e credibilidad di e nivel di sofisticacion y integridad di nos ofertanan pa negoshi,” Garrett Quinn, Head of Digicel Business, Caribbean and Central America, a laga sa. “Solucionnan cloud a bira un elemento esencial pa aumenta eficiencia pa nos clientenan, cu esaki nos ta spera pa sigui fortifica nos asociacion cu Microsoft y ta continua cu acceleracion di nos ofertanan di producto den e mercado importante aki.”

“Organisacionnan cu ta logra e capacitacion di nivel silver a prueba nan experticio den un area specifico di tecnologia, poniendo nan entre e top cinco porciento di partnernan di Microsoft mundialmente,” Darren Mohammed, director Microsoft West Indies, a bisa. “Ora clientenan ta busca un partner di IT cu por solucionan nan retonan di negoshi, e escogencia pa un compania cu e logra capacitacion di Microsoft a un decision sabi. Esakinan ta profesionalnan di calidad halto cu acceso na e apoyo tecnicol y teamnan di product di Microsoft.

Microsoft Office 365 ta Microsoft su producto comercial cu ta creciendo mas cu cualkier otro producto comercial den historia di e compania. E capacitacion Small and Midmarket Solutions ta facilita Digicel den e satisfaccion di e demanda cu ta bin for di e clientenan di companianan chikito y mediano pa loke ta solucionnan di “cloud” y “hybrid” riba O365.

E red di partner Microsoft, esta “Microsoft Partner Network ta yuda partnernan fortifica nan capacidadnan pa demostra nan liderazgo den e mercado pa cu e ultimo tecnologia, pa duna miho servicio na clientenan y, cu 640,000 partner di Microsoft den e eco-sistema, pa conecta facilmente cu un di e rednan mas atractivo y diverso na mundo.