Ofresiendo e kliente un eksperensia kompleto di nan portofolio ICT

Willemstad, Curaçao – Digicel Business ta kontentu di por introdusí nan ‘Experience Center’. Di akuerdo ku Ton van den Berg, direktor di Business Sale, ”Nos ta masha orguyoso di servisionan pa solushonnan empresarial ku nos ta ofresé. Na vários okashon nos unidat internashonal di Digicel Business Solution a keda honrá ku diferente premio. Digicel komo kompania a desaroyá for di ofresé únikamente telekomunikashon mobil pa un kompania lider den Cloud i Business Solutions. Aki na Kòrsou nos tim enkargá ku Business Solution ta hasi un otro paso importante den aserkamentu na kliente introdusiendo nos ‘Experience Center. E ta kompletamente ekipá pa duna demostrashon ‘live’ na tur kliente”.

E idea di tin un ‘Experience Center’ ta pa e kliente empresarial risibí informashon i demostrashon di servisio i produktonan ku Digicel ta ofresé den su portofolio di ICT. E tim di Digicel Business ta traha duru pa entregá produktonan di nivel haltu ku ta garantisá efisiensia i redukshon den kosto pa tur kliente. Digicel Business ta un partner sertifiká di proveedornan mundial den solushonnan ICT; ta p’esey mes ku fasilidat i garantia por ofresé produktonan manera Cloud Back-Up, Cloud Disaster Recovery, Video Surveillance, Desktop as a Service (DAAS), PBX, konektividat di prestashon haltu di Internèt, konektividat di VoIP i muchu mas. Klientenan empresarial por bishitá Digicel su ‘Experience Center di djaluna pa djabièrnè entre 8’or di mainta i 5’or di atardi. Pa mas informashon por yama 654-0000 òf por email BusinessSolutionsCuracao@digicelgroup.com