Cu crimen cibernetico creciendo tur dia, ambos compania ta provee productonan, servicio y apoyo di e calidad mas halto na clientenan di “mobile” den Caribe

 ORANJESTAD, 8 di Augustus 2016 – ARUBA:  E lider global den solucionnan di rendimento halto riba tereno di siguridad di Internet, a anuncia awe cu Digicel Aruba a logra e status di “Gold Partner” den e FortiPartner Program basa riba su exito cu solucionnan di Fortinet y su compromiso pa adopta e ultimo tecnologianan disponibel den mercado. Caribe no ta un excepcion pa loke ta trata menasanan cibernetico cu ta continuamente afectando companianan mundialmente; pues e ta sumamente importante pa companianan den Caribe tin acceso na e solucionnan di mas modern cu Fortinet ta ofrece pa medio di Digicel Aruba.

E colaboracion entre Digicel Aruba y Fortinet a conduci na crecemento enorme di e negoshi, un aumento den satisfaccion di clientenan y maximalisacion di efectividad di costo. Clientenan Arubano tin acceso na “firewalls”, “gatewaynan” cu ta sigura, rednan di WIFI, y otro solucionnan di siguridad di Internet pa sigura nan informacion di negoshi y di nan clientenan.

“Nos tin como meta pa provee Digicel Aruba cu e solucionnan pa cu siguridad di Internet mas rapido y mas eficiente, asina e compania por comunica na un manera proactivo y protégé su clientenan,” Pedro Paixao, gerente general y vice presidente di bentanan internacional pa Fortinet, a splica. “Como un “Gold Partner”, Digicel Aruba tin acceso na e miho sosten di siguridad y entrenamento pa empleadonan. Fortinet ta sigura cu su “Gold Partners” tin e recursonan y instrumentonan mas inovativo pa preveni e menasanan pa siguridad y malware di mas nobo. E status nobo aki ta un otro paso grandi den nos afiliacion pionero.”

For di su lansamento na 2001, Digicel Group Aruba a haci un inversionnan cu a surpasa $5 biyon mundialmente. E compania no solamente ta bende telefon, pero tambe ta provee servicionan di texto, “e-billing” y “help” pa medio di chat digital, y otro servicionan interactivo pa medio di su red. Tur e programanan aki ta rekeri e uzo di un red fuerte y sigur den su operacion pa asina sigura cu e informacion priva di e clientenan ta sigur, mientras cu nan experiencia mobiel ta optimal.

Digicel Group ta un compania lider den provee comunicacion, y ta haci negoshi den 33 mercao den Caribe, Centro America y Asia Pacifico. Digicel Aruba ta reconoci pa provee e miho balor, servicio y red como cu e compania tin siguridad di Internet, como tambe servicio na clientenan como nan prioridad.

Brian Monpellier, Hefe di e departamento di Business Sales di Digicel Aruba ta comenta cu “Fortinet ta un specialista fantastico den solucionnan pa cu siguridad di internet di rendimento halto, y e ta atento pa menasanan cibernetico 24 ora pa dia, pues nos tin un partner excelente. Nos clientenan awo lo itn acceso na nos solucionnan di internet flexibel y cu por wordo amplia facilmente combina cu servicionan di siguridad pa Internet di e nivel mas halto, y pa cual no tin comparacion den nos region. E combinacion aki pa medio di nos afiliacion cu Fortinet lo yuda nos clientenan crece y expande nan companianan den region y rond mundo, como parti di nos servicionan amplio di solucionnan pa negoshi di Digicel Business, cu nan ta confia y ta depende riba nan caba.”