E úniko proveedor den region ku un rekonosementu
Willemstad, Curaçao – Digicel ta konfirmá un biaha mas su posishon komo lider den merkado, spesialmente ora ta trata di ta un ‘full service business solutions partner’. Sigur awó, ku e’la wòrdu nombrá komo proveedor di Microsoft Strategic Service. Komo tal, Digicel Business tin e kapasidat i plataforma pa bende i entregá e pakete kompletu di Microsoft Hosted Solutions den region Caribense i Sentro Amérika. Spesífikamente, via di su sentro di data ubiká na Jamaica i tres otro plataforma na Bermuda, Panama i Trinidad & Tobago, Digicel Business a lansa ‘Desktop’ komo un servisio den tur 26 merkado den kual nan ta operá. E servisio ta keda desplegá riba e plataforma di Microsoft uzando un Windows Server, Hyper-V virtualisation, SQL Server, System Centre, RD i, Office Exchange. E asosiashon ta nèt despues di e lansamentu di e ‘Cloud Platform’ ku aña pasá a keda efektuá, ofresiendo e pakete di mas moderno di ‘cloud solutions’ trahando ku un proveedor mundial i lider den teknologia di ‘cloud providers’. Ku esaki Digicel Business por ofresé e portofolio di mas avansá den ‘integrated cloud solutions’. Ubiká na Digicel su ‘Tier III’ ku ta e sentro di data na Jamaica, Digicel su plataforma ta esun mas sigur pa ‘data hosting’ den Caribe i Sentro Amérika- esaki ta nifiká ku tur data òf otro informashon ta wòrdu manehá ku e seguridat di mas haltu i ta pèrmanesé den hurisdikshon Caribense. Esaki ta hasié e ‘cloud’ privá mas grandi den region. Ku e ‘cloud’ di Digicel, SMEs, departamentunan gubernamental i kompanianan grandi lo por operá nan sistema di IT pa un frakshon di e kostonan di e konstrukshon di nan propio infrastruktura. Dor di laga Digicel su plataforma ‘cloud’ proveé aplikashonnan ku ta kurason di e kompania, back-up di data, email di kompania- tur empresa usuario por redusí nan budgèt ku nan ta gasta na infrastruktura di IT miéntras ku nan ta mehorá nan seguridat i fleksibilidat. Usando e solushonnan ku Digicel ta ofresé riba su plataforma ‘cloud’, klientenan lo spar 25% riba nan kostonan aktual di IT, e ahuste di pasa pa un pago mensual ta sigurá ku no tin mester di un kapital di inisio. Sr. Sander Gielen, CEO pa Digicel Dutch Caribbean a komentá, “E ròl di teknologia pa éksito den empresa a skùif den un manera ku ta hasi ‘cloud computing’ hopi difísil pa ignorá. Esnan enkargá ku IT den empresa no ta únikamente responsabel mas pa djis esei, awòki nan mester sostené e kresementu di e kompania tambe, pues efektividat den e organisashon dor di redusí e gastunan i entregá servisio rápido i sigur- igual ku akseso lihé na rekursonan di IT a bira di vital importansia. Ku e tendensia aktual, por premirá ku 60% di trabou riba e server lo keda virtualisá pa kabamentu di 2014. Digicel su plataforma ya kaba a kuminsá entregá e servisionan aki den Caribe i Sentro Amérika”. 
E ‘cloud’ di Digicel ta ofresé e servisio mas fásil pa solushonnan práktiko den region, e.o:
Desktop (DaaS)
Disaster Recovery (DRaaS)
Microsoft Hosted Exhange
Secure Online Back-Up
Mobile Device Management (MDM)
Customer Line of Business Application Hosting (LoB)