KRALENDIJK, Yüni 2015:  Te ku dia 14 di yüni próksimo, lo tin ‘Caribbean Karate Championship’ na Sürnam i naturalmente Boneiru ta pendiente pa bon resultado for di nos representante Everon Vrutaal. Digicel Boneiru ta kontentu di por a yuda Everon den realisashon di su biahe pa Sürnam.  Di akuerdo ku Sra. Rachel Brathwaite, general manager, “ Nos ta haña Everon Vrutaal, komo un profeshonal lokal sertifiká den arte marsial ta ehèmpel pa hubentut boneriano. P’esey mes nos no a basilá pa yud’é realisá su kompromiso na Sürnam. Nos ta deseá Everon hopi éksito!”.  Everon Vrutaal ta un di e atletanan di mas konosí den e mundu di arte marsial na Boneiru. Den su karera Everon a risibí un faha pretu, ku ta e koló di faha di mas haltu ku por wòrdu optené. Djabièrnè último general manager di Digicel Boneiru Sra. Rachel Brathwaite a hasi entrega di un cheque na balor di $500 na Everon Vrutaal komo muestra di Digicel su kompromiso na hubentut boneriano.