ORANJESTAD, Aruba – December 2015: Avaya Connect ta un programa innovativo cu ta pone socionan manera Digicel den centro di e negoshi di Avaya. Y de paso ta recompensa Digicel pa esaki dor di converti su mes den un socio platino di e empresa.

Pa yega na converti bo mes den un socio Platino di Avaya, bo mester tin suficiente expertonan certifica cu “Certified Solution” cu por garantisa un gran cantidad di resultado segun ISAT “Implementation Satisfaction Survey” pa obtene autorisacion y certificacion pa bende, diseña y implementa servicio di e solucionnan di Avaya.

E programa Avaya Connect ta ofrece reconocimento y recompensa di Avaya segun e balor di Digicel como partner ta ofrece na su clientenan haciendo uzo di e solucionnan di Avaya. Digicel ta ricibi descuento y beneficionan special, basa riba experiencia y conocemento tecnico. Clientenan ta beneficia di un manera optimal di e solucionnan diseña pa baha e prijsnan y garantia di mas personal cualifica pa implementa e solucion Avaya. E compromiso di Avaya ta pa sigui inverti den Digicel y su ekipo tecnico y tambe e ekipo di benta pa asina garantisa e nivel di servicio y cu esaki por conta cu e conocemento y e bentaha cu e asociacion ta trece cune.

Digicel Aruba ta masha contento cu e logro aki, specialmente pasobra teniendo cuenta cu e desaroyonan tecnologico, awendia e compania ta ofrece mucho mas cu djis comunicacion mobil. Pa algun aña caba e compania tin su departamento di solucionnan pa negoshi, den cual ta ofrece opcionnan pa comunica mas eficiente, mas lihe y na prijsnan competitivo. Awendia hopi negoshi caba a opta pa e solucionnan cu Digicel ta ofrece, haciendo uzo di partnernan manera Avaya, den e trayecto di ofrece mas y miho solucionnan di comunicacion corporativo.