Pashentnan di COVID-19 awor ta den contacto cu nan famia!

ORANJESTAD:  Recientemente Digicel Aruba a haci un donacion na Hospital di Aruba, esaki specialmente pa e pashentnan di COVID-19 cu ta interna den ICU. Tawata sr. Pablo Carmona di Digicel Aruba cu a haci entrega di 10 aparato Mi-Fi cu lo haci posibel pa e pashentnan keda cu contectividad mientras nan ta ricibiendo tratamento. “E Mi-Fi ta un aparato masha potente cu tin capacidad di suministra conexion na 15 cellular. Nos ta spera cu di e forma aki nos por duna un aporte y alivia e situacion un poco. Nos ta conciente cu esaki ta un tempo cu hopi desafio pa cada un di nos, sinembargo pa e pashent interna cu COVID-19 e ta aun mas dificil. Digicel Aruba ta kere cu esaki ta tempo pa nos demostra aun mas empatia y duna sosten na esunnan mas vulnerabel den comunidad”.

Riba foto adhunto por mira e personal di Intensive Care Unit di Hospital di Aruba, despues cu sr. Carmona a hasi entrega di unidadnan Mi-Fi . Digicel ta suplica clientenan y comunidad di Aruba pa haci uso mas tanto cu ta posibel di su servicionan online, y pa sigui instruccion oficial di Gobierno di Aruba riba prevencion y precaucion di COVID-19. Pa mas informacion tocante con un MI-Fi por funcciona na bo cas of empresa por bishita https://www.digicelgroup.com/aw