ORANJESTAD, Aruba – 4 di April 2018: E aña 297 Soccer Academy a organisa pa 1 siman largo nan Worldcup Soccer Camp pa muchanan di 4 te cu 15 aña, esta Road to Russia Soccer Camp 2018, y a conta cu e sosten di Digicel Aruba. Hopi mucha homber y muhe a participa na e soccer camp aki cu a tuma luga na Stadion Guillermo Prospero Trinidad.

E camp tabata pa 5 dia y tabata inclui training di futbol duna pa coachnan certifica di KNVB, charla tocante salud, set di uniform, cuminda y bebida (snack, juice y fruta). Na final di e camp cada mucha participante a ricibi nan certificado for di e organisadonan di e soccer camp.

Digicel Aruba tabata e sponsor principal di e soccer camp unda cu a duna 100 uniform pa mucha cu branding di Digicel, a duna medaya, premio p’e teamnan ganado, a percura p’e ‘participation fee’ pa 5 mucha y a provee tent pa areanan di awa. E sponsorship aki ta parti di e lansamento di LTE, cual ta un data super lihe.

“Educacion fisico di mucha como tambe experencia pa train y hunga den team ta hopi importante. E camp aki particularmente ta incorpora tayernan, manera dieet saludabel y practicanan di yoga balansa. Tur top team internacional ta na caminda pa Rusia y ta incorporando yoga den nan preparacion y recuperacion despues di wega” segun Wanda Broeksema, Digicel’s CEO. E concepto di e camp aki ta pone cu Digicel Aruba ta sostene nan. “Esaki ta algo cu e muchanan lo corda pa un tempo largo y tambe nan lo beneficia di e tipnan y training cu nan a ricibi.”