Klientenan por a gana premio instantáneo den ‘PaskuBriante!

WILLEMSTAD:  Resientemente Digicel a tene un eksitoso roadshow na unda ku a bishitá diferente rebendedó den kuadro di nan kampaña di fin di aña ‘Pasku Briante’. Durante di e ‘roadshow’ klientenan tabata tin chèns di gana vários premio, kumpra nan karchi di 15 florin, hasi informashon i risibí teps riba kon nan tambe por gana e SUV Toyota Rush 2018.  Klientenan a disfrutá diambiente musikal di Típiko Tropical Boys i tambú. Ademas, Digicel a repartí pan ku Ham di Pasku, Kèrstòl i ‘Pan de Hamón’ pa tur kliente. Na kada kompra di un karchi di 15 florin, e kliente a risibí un lòt. Kada 15 minüt a saka 3 ganadó i tur ganadó a risibí 1 karchi di 15 florin èkstra.

Gana e SUV Toyota Rush 2018

E karchi nobo di 15 florin di Digicel ta optenibel na mas di 400 rebendedó riba nos isla. Na momentu ku klientenan rekargá nan telefon ku 15 florin òf mas nan lo risibí outomátikamente un lòt ku lo keda den wega te na final di e kampaña, hasiendo posibel ku e kliente ta multipliká su chèns di gana premio. No lubidá ku Digicel ta regalando 200 florin tur siman. Tin diferente otro manera p’abo rekargá bo telefon i partisipá pa gana e SUV Toyota Rush 2018.  Por rekargá via ATM, Pagomátiko, dor paga bo resibu postpaid via di Pagafásil, ku tarheta di krédito, via 1111 òf via di My Digicel App.  E ganadó di e Toyota Rush 2018 lo wòrdu anunsiá dia 9 di yanüari próksimo.