WILLEMSTAD:  Den preparashon pa Dia di Tata, Digicel a presentá diferente oferta ku sigur a fasilitá eskoho di e regalo ideal.  Aunke ku selebrashon di Dia di Tata no mester drei rondó di  ‘dunamentu di regalo’ tòg ta e tradishon pa kompañá e bon deseonan ku un kariño. Ademas di esaki, Digicel a duna chèns di gana premionan fenomenal den e promoshon pa Dia di Tata.

Kada kliente ku a kumpra un telefòn pre-pago den yüni: Alcatel OT 6034 pa Fl.99, Blue Life Play 2 pa Fl.199 òf e Alcatel OT 6032 pa Fl.319 + un free power seed, tabatin chèns di gana un aktividat deportivo i aventurero riba laman, den laira of riba tera p’e huntu ku su Tata. Por a gana un trep den helikòpter ku Blue Skies, un trep riba Quad di Prins Car Rental òf un trep riba Jetski di Adrenaline Tours– tur esaki p’abo i bo Tata! Tur siman a saka 3 ganadó.  Pa probechá di e ofertanan, lo mester a atkerí un plan di data. E promoshon pa e kampaña aki tabata balido te ku dia 20 di yüni próksimo.

E ganadónan a resultá; Kathy van Meijeren, Edson Stakelborough, Rachel Quarton, Astea Plantijn, Lorne Zimmerman, Curtis Warner, Nathania Mercelina i Vicentico Tomasa.  Tambe tabata tin un kampaña riba Social Media unda kua tatanan por bisa kiko nan no ta deseá komo regalo riba Dia di Tata. Den transkurso di añanan hopi tabata e ‘joke’nan ku tata ta deseá martin ku klabu, piki ku shòbel i otro hèrmènt komo regalo. E idea tabata, pa e aña aki regalá tata algu otro. Tur ku a partisipá usando e ‘hashtag’ #DigicelDaddys a haña chèns di gana un estadia pa 2 persona na Punda West Bed and Breakfast Curaçao. E ganadó a resultá Alfred Gonzalez. Digicel a ofresé multiple manera pa hasi e selebrashon pa Dia di Tata aun mas spesial.