WILLEMSTAD/– Na víspera di Pasku, Digicel a iluminá Pasku di tur partisipante den e kampaña super eksitoso di Digicel, entregando e premionan final di e kampaña di fin di aña, ku sigur pa e último lunanan di 2013 tabata tin Kòrsou aribabou. Ganador di e promoshon “Kiko tin den e Saku” a resultá, Zaynurie Valks- e ta esun ku a yega mas serka di e balor stipulá pa e saku di regalu di Papa Pasku, esaki a hasié ganador di ‘pakete familiar’ konsistiendo di  un Galaxy tab 3, BB Q5, DL700, Nokia Lumia 625 i un Power Seed. Tambe a hasi entrega di Nafl 1000 di kompra na Centrum Supermarket, esaki a bai pa Sr. Henk Wildeboer. Ademas di e diferente promoshonnan ku tabata tin den e kampaña di Digicel, a hasi un promoshon spesial pa tur esnan ku ta fiel fanátiko na e Facebook di Digicel, aki ta na unda klientenan por a nominá un ser kerí pa gana un premio; e ganador di esaki a resultá Ursela Wefer ku a nominá su amigu Caroll Terborg pa e un estadia den Hilton Resort Curaçao. Otro ganadornan den e kampaña a resultá, Vanessa Markes ku a gana un sertifikado di regalo na balor di Nafl 250, kortesia di Benetton Curacao i Romianthe Ramada a regalá su mama Sra. Maryline Ramada ku un sena pa 4 persona i transportashon den e popular ‘Hummer Limo’ kortesia di Sicni 74 VIP Transport. “Nos por mira atras na un kampaña di kita sombré, ta na su lugar pa gradisí tur kliente pa nan partisipashon na nos kampaña. Masha Pabien na tur ku a resultá ganador! Nos ta spera ku un i tur disfrutá di nan premionan”, esaki di akuerdo ku Thessa Fleming, relashonista públiko pa Digicel Kòrsou.