A kombiná bon ambiente ku informashon

WILLEMSTAD: Ademas di ta e produkto nobo di Digicel, otro nifikashon pa ‘hybrid’ ta – kombiná 2 elemento huntu i hasi esaki un meskla perfekto. Asina e happy hour di UoC tabata! Djabièrnè último studiantenan di University of Curaçao (UoC) a disfrutá di un ‘Happy Hour’ tur afó organisá pa konseho di studiante, esaki a tuma lugar den sala di rekreashon ku animashon di Dolce Band. Durante e ‘Happy Hour’ studiantenan a haña chèns di sosialisá den un ambiente ameno. Digicel tambe a forma parti di e aktividat i a brasa e oportunidat di kompartí informashon tokante e produkto di mas nobo, Hybrid. “E mihó di tur 2 mundu” esaki ta eksaktamente loke Hybrid ta ofresé; e mihó di Prepago i e mihó di Postpago. Hybrid ta spesialmente diseñá pa tur e klientenan ku no ta ‘fit’ den un plan di Postpago stándart òf un ‘Pay as You go’ di un plan Prepago. Ku e plan aki kliente tin 100% kontròl riba nan gastunan – meskos ku Prepago. E kliente ta paga únikamente pa loke e ke i loke e tin mester dor di ‘top-up’ ora ku e yega su kuota di Hybrid. Ora ku esei sosodé su Postpago ta bira Prepago. E produkto aki ta ideal pa e studiante ya asina e por tin kontrol kompletu di su gastunan. Ademas di risibí informashonnan tokante Hybrid e studiantenan por a ‘spin the wheel’ pa gana Digcel Goodie Bags i TopUps. 

E kliente ta risibí Social Media ilimitá– meskos ku Prepago, ademas di esei e por keda ku su number Prepago di Digicel. Ku un plan Hybrid e ta risibí mihó tarifa pa data – meskos ku Postpago i e tin e komfortabilidat di un plan fiho pa data i krédito pa yama i sms – meskos ku Postpago . Pa hasié aún mas atraktivo; data i krédito ku no wòrdu usá, ta pasa pa siguiente luna. Esnan ku ta hasi hopi uso di data i Social Media lo gusta Hybrid sigur! E plan di Hybrid ta ofresé Social Media Ilimitá; esaki ta nifiká ku Facebook, Instagram, Twitter i WhatsApp lo no konsumí for di bo pakete di data regular. Pues den un palabra e produkto perfekto pa kualkier studiante.

Hybrid ta bini den tres diferente pakete Small, Medium òf Large. Kada un ku nan perfil di suskripshon. Pa mas informashon i pa bo sá kon bo tambe por kuminsá usa Hybrid awe mes por bishitá Digicel su websáit www.digicelcuracao.com òf yama 145 grátis for di bo telefon Digicel. Riba fotonan athuntu por haña un impreshon di e happy hour di studiantenan di UoC.