Públiko presente impreshoná ku ‘realidat virtual’

WILLEMSTAD, Aprel 2016: Tabata djasabra anochi ku e evento The Suite Club a tuma lugá na District 1850. Durante di e evento aki Digicel a ‘demo’ e Gear VR na tur ku tabata tei pa disfrutá di e evento. E idea tabata pa tur ku a bishitá District 1850 eksperensiá e último tendensia den mundu di smartphone. Un siman promé ku e aktividat, tur hende tabata tin oportunidat pa apliká pa un plan postpago ku e chèns di gana un Samsung S7.

Durante di e evento di djasabra último Digicel a hiba e públiko di The Suite Club na un dimenshon diferente. Di akuerdo ku Shayenne Rock, marketing manager di Digicel “Teknologia ta moviendo asina lihé i awendia un eksperensia estilo di ‘realidat virtual’ ta birando mas i mas aksesibel pa tur hende. Ku e ‘Gear VR’ ta sali for di e tradishonal i ta hasi un transishon pa loke futuro tin di ofresé. E eksperensia di e usuario ta keda amplifiká na diferente manera.” Digicel tin’é; tantu e Samsung S7/S7 Edge i su Gear VR.

E ‘Gear VR’ ta re-definí loke un telefon ‘normal’ por hasi. Ora ku e usuario bisti e ‘Gear VR’, su ‘display’ ta pèrmitié un eksperensia virtual ku ángulonan horizontal ku dimenshon di 360 grado ku sigur lo surpasá imaginashon. E ‘Gear VR’ ta funshoná ku tur telefon Galaxy; e úniko kos ku mester hasi ta konektá e telefon kuné ; por wak video i potrèt manera nunka ántes promé. Aplikashon pa un Samsung S7/S7 Edge ta bálido ku un Easy Digi plan (postpago) pagando 253 florin mensual, esaki ta inkluí 3GB Data, yamada ilimitá Digi pa Digi, 100 min off-net plùs 100 SMS on-net/off net ABC. Tin kondishonnan aplikabel.