Digicel Business creando mas oportunidad pa networking!

ORANJESTAD, Aruba – 24 di Augustus 2016:  Digicel ta masha orguyoso di por anuncia su partnership cu TEDxAruba, un conferencia cu ta tuma luga dia 23 di September proximo. Digicel como un compania innovativo ta contento di por ta un partner di e evento aki cu lo trece oradornan special cu lo comparti y analisa cu e participantenan temanan cu ta propaga ideanan riba tereno di innovacion sostenibel como tambe e creacion di negoshinan nobo.

TEDxAruba a bira un plataforma na nivel mundial y den Caribe cu ta yuda informa e entrepreneurs pero tambe ta un empuhe pa inspira otronan cu  ideanan creativo a traves di “storytelling” y con pa pone e ideanan aki den ehecucion.

E aña aki, Digicel Business ta bay tin e honor di por haci posibel atrobe pa TEDxAruba por ta den contacto “live” cu tur su participantenan rond mundo. Pa esaki a organisa e asina yama “viewing events” durante di cual lo por tin contacto cu socionan strategico na otro parti di mundo of aki na Aruba mes. E partnernan aki por ta studiantenan, coleganan, business partners, NGO’s, Startups, entre otro. E diferencia cu aña pasa ta cu e prome aña nan tabatin contacto cu a consuladonan, e aña TEDxAruba ta bay ta un exposure mas global.

TEDxAruba lo por wordo mira no solamente na Aruba pero tambe na otro paisnan pa medio di un “App” cu lo permiti e participantenan ta den contacto cu otro durante e conferencia. Esaki sigur lo ta un gran oportunidad pa haci networking y Digicel conhuntamente cu TEDxAruba lo haci esaki posibel.