WILLEMSTAD: Djamars último Digicel a bishitá bario di Souax i Fuik enkonekshon ku e kampaña ‘Pasku Briante’.  Kumpliendo ku su responsabilidat sosial komo empresa ku ta operá na Kòrsou a selebrá ku 50 famia den e barionan menshoná pa trese un ‘brio’ èkstra e fin di aña aki. Huntu ku embahador di Digicel, Dibo Doran ku e temporada aki ta e ‘Digi Santa’ a trese alegria den kas di famia. E tim di Digicel a entregá diferente pakete ku kuminda i Papa Pasku a repartí regalo pa e muchanan i nan mayornan.

Digicel a uni forsa ku e organisashon ‘Unidat di Bario’ pa kontagiá e barionan di Souax i Fuik ku un vibrashon navideño i aksentuá e fin di aña aki. A selebrá ku ayaka,  awa di lamunchi i naturalmente dushi músika! Di akuerdo ku Jorge Cuartas e kampaña ‘Pasku Briante’ mester vibra den tur skina di nos komunidat. “Digicel ta deseá pa e temporada aki tur hende disfrutá. Nos komo empresa ke aportá na esaki. Nos ta deseá henter pueblo di Kòrsou un Pasku Briante i un aña 2019 eksitoso den kual huntu nos por traha pa selebrá rikesa di nos pais.” No tin duda; ku Digicel e Pasku aki lo ta briante! Ademas di por gana e premio mayó, un Toyota Rush 2018 den e kampaña ‘Pasku Briante’, e ‘Digi Santa’ a repartí diferente regalu inkluyendo karchi di 15 florin ku kual por gana e outo. Ta kòrda tur usuario di Digicel, ku lo anunsiá e ganadó di e Toyota Rush 2018 dia 9 di yanüari próksimo.   Hasi bo Pasku mas briante ainda ora bo sigui Digicel riba su página di Facebook www.facebook.com/DigicelCuracao