Digicel Group lo establesé un programa di desaroyo pa básketbòl den Caribe
WILLEMSTAD/ Jamaica, Aprel 2015: Digicel i National Basketball Association (NBA) a anunsiá un ‘partnership’ pa transmishon di weganan ‘bibu’ i programashon amplio di NBA, den mas ku 30 pais den Caribe- esaki mesora ta hasi Digicel un partner ofisial di NBA pa nos region. Digicel SportMax lo transmití mas ku 48 wega den temporada regular i mas ku 8 wega den play-off pa kada temporada. E kanal di deporte lo ofresé kontenido pa fanátiko inkluyendo ‘highlight’ di e show ‘NBA Action’, NBA TV, The league’s 24-hour channel, i select classic games. E asosiashon ta inkluí transmishon na spañó na e kanal CDN SportsMax na Repúblika Dominikana. Ademas di esaki den temporada 2015- 2016, Digicel lo lansa NBA.com/Caribbean, e promé destinashon di NBA ‘online’ pa fanatikonan den Caribe, esaki ta inkluí kontenido redakshonal i tambe video. NBA.com/Caribbean lo ta e di 19 portal ‘online’ pa merkado internashonal.
“Nos ta masha entusiasmá pa anunsiá e asosiashon ku NBA, esaki ta un añadidura fantástiko na nos programashon ku ya kaba ta ‘top of the line’”,di akuerdo ku sr. Olly McIntosh, CEO i Presidente pa Digicel SportsMax. “Pa fanatikonan, esaki ta algu tremendo- nos ta trese un aktitut karibense na e programashon i ta hasi ku fanatikonan di básketbòl den Caribe ta sinti nan mas yegá na e wega.” Komo parti di e akuerdo entre NBA i Digicel SportsMax, e kompania mama, Digicel Group lo establesé un programa di desaroyo den Caribe, esaki lo kuminsá e aña aki mes. Entrenadornan, hungadónan i figuranan popular di NBA lo partisipá den e programa, kompartiendo lèsnan balioso ku lo ta útil pa tantu paden- i pafó di kancha. Ademas di esaki e programa lo duna hungadónan aspirante yòn e oportunidat di drenta den kontakto ku e hungadónan profeshonal di NBA via di klínikanan di básketbòl i weganan na Merka. Di akuerdo ku NBA Senior Vice President pa merkado Latinoamerikano, sr. Phillipe Moggio, “Nos ta masha kontentu di por trese e wega di básketbòl mas serka di e fanátiko Caribense. Digicel ta un kompania lider i su alkanse ekstenso na públiko den region lo ofresé e fanátiko di básketbòl un eksperensia eksitante.”.
Huntu ku e derechonan di NBA, Digicel SportsMax ta mantené e derechonan den region pa e.o transmishon/ kontenido di Barclays Premier League, UEFA Champions League, The Women’s Tennis Association, The Ashes, IAAF Grand Prix Meets i muchu mas. E transmishonnan di Digicel SportsMax ta konta pa Anguilla, Antigua & Barbuda, Aruba, Bahamas, Barbados, Belize, Bermuda, Bonaire, British Virgin Islands, Cayman Islands, Cuba, Curaçao, Dominica, Grenada, Guadeloupe, Guyana, Haiti, Jamaica, Martinique, Montserrat, St. Lucia, St. Kitts & Nevis, St. Martin, St. Maarten, St. Vincent & The Grenadines, Sürnam, Trinidad & Tobago i Turks & Caicos. Pa e skedjùl di transmishon por bishitá digicelsportsmax.com.