E kampaña di fin di aña ku ta bai pone Kòrsou aribabou: Unda e saku ta?

WILLEMSTAD/ NOVEMBER 2013:- Tabata djamars atardi na Fort Nassau ku Digicel den un esfera diferente a lansa su kampaña dediká na selebrashon di Pasku. E aña aki, Digicel tin e saku di Papa Pasku- den e saku tin un sin fin di kos bon, plaka kèsh, yen di premio fantástiko i hopi sorpresa. “Nos a diseñá un kampaña na unda ku henter komunidat por sinti nan mes na kas, e aña aki nos a risibí yudansa di e propio Papa Pasku, e saku di regalu ku tradishonalmente ta wòrdu yená ku regalu pa henter famia, lo wòrdu yená ku regalu pa henter e pueblo di Kòrsou”, esaki di akuerdo ku Thessa Fleming, relashonista públiko di Digicel.

GANA PREMIO/ Unda e saku ta?

Pueblo di Kòrsou tin oportunidat di gana hopi premio i plaka kèsh durante di e fin di aña aki. Tin 3 manera diferente pa gana e ‘Saku di Papa Pasku’. Un di e oportunidatnan ta pa e kliente partisipá na e búskeda i purba gana e saku di plaka skondí konteniendo un suma simbóliko di Naf. 20,000 kèsh. Semanalmente, lo duna diferente pista na radio Radio Mas 99, Direct Life92, televishon i tambe medionan di komunikashon sosial.  Lo selektá 6 persona pa partisipá na e búskeda di e saku di plaka ku lo tuma lugar dia 23 di desèmber próksimo. E promoshon ta bálido for di awe te ku Desèmber 23, 2013. Pa partisipá mester SMS e palabra BAG na 4333 Naf. 1 pa SMS- mas SMS mas chèns, aktivá One Rate òf kumpra Naf 50 òf mas na kualke establesimentu di Digicel. E 6 finalistanan lo wòrdu selektá 16 di Desèmber. Partisipantenan mester ta 18+ aña. *Tin kondishonnan aplikabel.

GANA PREMIO/ Rekargá i Gana!

Ademas di gana un premio grandi di plaka kèsh, Digicel lo ta regalando semanalmente Naf. 1,000 na komestibel di Centrum Supermarket. E kliente por partisipá dor di rekargá su kuenta ku mínimo di Naf.10 i asina keda ku chèns di gana e saku di komestibel. Tur djabièrnè lo saka un ganador. E promoshon aki ta bálido for di awe te ku 23 Desèmber 2013. Partisipantenan mester ta 18+ aña. *Tin kondishonnan aplikabel.

GANA PREMIO/ Rei e balor di e saku

Digicel a yena e saku di Papa Pasku ku masha hopi regalu; entre otro, Weekend-Stay na St. Tropez, Selular, Blackberry, Tablets, Powerseeds i hopi otro ‘Mobile Devices’ mas, e partisipante mester rei e balor di e saku i manda e kontesta na 7171, Naf. 1,00 pa kada SMS  pa por gana e premionan instantáneo. E promoshon aki ta bálido for di Novèmber 23 te ku Desèmber 18, 2013. Partisipantenan mester ta un kliente di Digicel i 18+ aña. *Tin kondishonnan aplikabel. E temporada aki Digicel lo hasi Kòrsou felis un biaha mas, tur kara lo tin un sonrisa i tur kurason lo ta kontentu! Gana premio tur siman dor di sea, rekargá ku 10 florin òf mas, aktivá un pakete One Rate, rei e balor di e saku di Papa Pasku i SMS na 7171 òf kumpra 50 florin òf mas na kualkier establesimentu di Digicel na Kòrsou. “Nos ke gradisí Kòrsou pa un tremendo aña, pues e aña aki nos deseo tabata pa amplia oportunidat pa klientenan gana un òf mas premio; nos ke hasi hopi hende kontentu. Nos kampaña “Brighten Someone’s Christmas” lo hasi esaki i nos ke motivá tur kliente i pueblo di Kòrsou pa partisipá aktivamente. Algun di e promoshonnan ta kuminsá for di awe, suerte na un i tur!”, asina Thessa Fleming a tèrminá.