Willemstad 4 di ougùstùs 2016 – Manera ya ta konosí kaba, UTS ta ofresé diferente manera pa hasi pago di resibu, p’asina duna mas servisio i fasilitá bida di su klientenan. Esaki ta posibel na tur UTS Authorized Distributors, tur puntonan di pago di Pagomátiko i Pagafásil, na banko, via online banking, standing order i tambe Direct Debit.

Tur pago mester ta riba kuenta di UTS promé ku e promé (dia 1) di kada luna, p’asina evitá deskonekshon i semper bai klientenan mester indiká nan ‘Kuenta di Fakturashon’ (‘factureringsrekening’ òf ‘Invoice Account’) na momentu di hasi nan pago. Por haña e informashon aki riba e resibunan di UTS. Ta bon pa kòrda klientenan tambe ku sierto maneranan pa hasi pago ta tuma mas tantu tempu ku e otro pa ser prosesá na banko i konsekuentemente por resultá ku e pago no ta riba kuenta di UTS promé ku e promé (dia 1) di kada luna.

Tene kuenta ku e puntonan di pago na Brievengat i Sta. Maria, ántes konosí komo Kahanan òf Puntonan di Pago di UTS, ta kai awor kompletamente bou di e maneho di PSB Bank. Klientenan por sigui paga nan resibunan einan normalmente, pero ta bon pa enfatisá si ku ya e puntonan di pago aki no ta kai mas bou di e responsabilidat di UTS.

Pa mas informashon tokante e maneranan pa hasi pago di resibu di UTS,  bishitá www.uts.cw.