Embahador di Digicel i awor tambe Rei di Tumba 2019!

WILLEMSTAD:  E euforia na Digicel ta total! Miéntras e keintura kòrá ta sigui subi awor ta selebrá tambe e reinado di Dibo D, komo Rei di Tumba 2019. “Digicel ta sumamente orguyoso di Dibo. E ta embahador di Digicel ya kaba pa 4 aña i ta hasiendo un tremendo trabou. Manera ya anteriormente anunsiá, e aña aki nos ta kontentu di por patrosiná su agrupashon musikal ONE den marchanan di karnaval tambe.  Awor ku Dibo a keda koroná Rei di Tumba nos ta den gloria di bèrdè mes”, esaki di akuerdo ku Jorge Cuartas, Marketing Manager pa Digicel Kòrsou.

Djamars atardi, empleadonan di Digicel a selebrá ku nan embahador i Kòrsou su Rei di Tumba na Digicel Megastore na Biesheuvel. E tumba “Kòrsou ta den su gloria” a zona ku hopi fervor, miéntras empleadonan a haña oportunidat di saka potrèt ku e Rei di Tumba. Pa e okashon aki Reina, Prens i Pancho 2019 pa Kòrsou, awor tambe embahador di Digicel tambe tabata presente i a djòin e ambiente na Megastore, a kòrta bolo i selebrá! E ‘Keintura Kòrá’ di Digicel ta kontagiando Kòrsou kompletu!  Manera ku tur hende sá, e aña aki tin premio pa kliente, públiko kant’i kaya i esnan ku ta den marcha i pa koroná, awor Digicel tin Rei di Tumba tambe! Riba fotonan athunto un impreshon di djamars atardi na Digicel. Konektá via di e página di Facebook di Digicel www.facebook.com/DigicelCuracao  i sinti e keintura kòrá!