Dianan 27, 28 y 29 di november proximo
ORANJESTAD, Aruba – November 2015: E dianan di e reapertura oficial di Joe Laveist Sport Park lo ta yena cu actividad. Comision re – apertura Joe Laveist Sport Park hunto cu Aruba Sport Unie (ASU) ta sigui traha masha duro mes riba e reapertura di Joe Laveist Sport Park dianan 27, 28 y 29 di november proximo cu diferente actividad y evento. Diabierna 27 di Novemberp di 9 or di mainta te cu 7 or di anochi, lo inicia cu e encuentro Internacional di Aruba Volleyball Association, seccion Beach Volleyball cu lo tin 10 wega pre eliminar entre Aruba y Corsou den categoria Dama y Cabayero. Pa 7 or di anochi lo sigui pa ceremonia oficial cu e veteranonan, show di baile y fireworks. Un di e highlight sigur lo ta e encuentro Internacional di Beisbol na unda Corsou y Aruba. Wild Cats di Corsou lo enfrenta All Star Team di Aruba cu lo cuminsa pa 8.30 p.m. Na mesun momento y na un otro parti di Joe Laveist Ballpark, Aruba Boxing Association lo tin peleanan di Boxeo entre Aruba y Corsou. Tambe pa 8.30 p.m. lo inicia e torneo di Domino di Aruba Domino Bond cu lo tin partidonan entre miembronan di Bond. E dia aki Le Groove lo pone ambiente.
Diasabra 28 di November 2015, e Comision re – apertura Joe Laveist Sport Park lo uni nan mes na Acto offcial di Beach Volley cu lo honra 7 persona. Pa 10.00 a.m. Club Advance tin presentacionnan di gymnasia di e atletanan cu a representa Aruba y haci un magnifico presentacion y resultado na Panama e aña 2015. 11.00 lo sigui e di dos partido di baseball cu ta e prome wega di dobel header entre team seleccion Aruba 1 contra team seleccion Aruba 2. Aruba Volleyball association seccion Beach Volleyball tin su ultimo 5 weganan pre eliminar Aruba contra Corsou den Categoria Dama y Cabayero. Tambe lo sigui e peleanan di Aruba Boxing Association entre Aruba y Corsou. Aruba Atletiek Bond lo tin weganan di hobennan atleta cu “Run and Long Jump y Javelin Trow y High Jump. Pa culmina e dia aki pa 8.30 p.m. e di tres partido entre team seleccion Aruba 1 Playa lo ta contra team seleccion Aruba 2 San Nicolas. Diasbara Oreo lo pone ambiente, Diadomingo, 29 di November 2015, e dia ta inicia pa 9or di mainta na unda Aruba Volleyball Association seccion Beach Volleyball lo tin su 4 weganan di semi final y final categoria Dama y Cabayero. Sigui pa Lifida cu 5 wega di futbol cu lo ser hunga pa U-13 mas 4 club. Tambe lo tin seccion di zumba pa Roseanne Ruiz.
Pa 1or lo tin un partido di baseball South League. Tanto Aruba Beach Tennis y Aruba Domino Bond lo tin weganan den diferente categoria. Mientras cu Atletiek Bond lo tin weganan di hobennan y Aruba Boxing Association lo sigui cu peleanan entre Aruba y Corsou. Pa 18.30 lo tin e partido final di Baseball pa campeon y sub campeon di e torneo di Joe Laveist Sport Park entre team seleccion Aruba contra baseball team di Corsou Wild Cats. E dia aki Tsunami lo pone ambiente. Fundacion di facilidadnan deportivo cu ta maneha Joe Laveist Ballpark ta trahando duro duro pa keda cla pa e evento. Hinca e fechanan den bo agenda, e invitacion sigur ta pa un y tur en special e hubentud pa bin disfruta di deporte cu lo inicia cu e re- apertura dia 27 di November, 28 di November e MLB Stars y diferente weganan dia 29 di November.“Take me back to the Ball Game!” – Aruba ban Pariba! Bishita nos Facebook pagina y keda al tanto di tur loke ta bay pasa riba e dianan importante aki pa San Nicolas, Deporte y Aruba en general.