Brakkeput ta restablesé Jazz Fest

WILLEMSTAD – Brakkeput Mei Mei ta hasiendo e trámitenan pa riba djabièrnè dia 28 i djasabra dia 29 di aprel restablesé e aktividatnan di Jazz Fest di ántes. Ta trahando na un programa ku ta kubri e dos anochinan ku konsiertonan di artistanan lokal di jazz kaminda ta pèrkurá pa nan presentá un gran diversidat di e género di jazz. Mas ku klaro ku tur e artistanan lo subi tarima di Brakkeput Mei Mei.

Aktualmente ta finalisando e diferente elementonan di e programa ku ta bai anunsiá pronto. Ku ta reanudá e idea di Jazz Fest ta tambe den kuadro di e echo ku dia 30 di aprel ta dia internashonal di jazz – un koriente bastante partikular den músika.