MUSTANG CLUB CURACAO DEN KOPERASHON

KU SAMBIL TA ORGANISA  EKSPOSISHON DI MUSTANG

WILLEMSTAD —  Dianan 20, 21 i 22 di aprel próksimo, Mustang Club Curaçao ( MCC) den estrecho koperashon ku Sambil, ta bai organisá un eksposishon grandi di outonan Mustang.

Manera ta konosé, e  fábrika di outo Ford, na 1964 a saka e promé modèl di Mustang ku ta trese ku n’e ku e aña aki, Mustang ta selebrá e bunita edat di 55 aña.

Den kuadro di esaki, MCC resientemente a reuní ku Gerensia di Sambil i a yega na e akuerdo pa organisá un eksposishon di tres dia, kaminda lo trata na eksponé, si por mínimo un modèl di kada aña di Mustang.

Den kuadro di esaki, MCC na e momentu aki ta trata na haña partisipashon di mas tantu doño di Outonan Mustang, asina ei kubri mas tantu ku ta posibel e 55 añanan ku  e vehíkulo aki ta eksistí.

Esnan ku no ta miembro di MCC, pero ta interesá na pone nan vehíkulo na e eksposishon aki por tuma kontakto ku Sra. Tamara Muzo di MCC na  selular 671-7188, pa asina ei registrá boso vehíkulo den e eksposishon grandi aki. Por komunika tambe via di e email: mustangclubcuracao@gmail.com.

Despues lo sigui mas informashon relashoná ku e di 55 aniversario di outonan Mustang i e grandioso eksposishon di tres dia ku lo tuma lugá den Sambil.  No tin duda ku un vehíkulo ku ta trese rekuerdo serka hopi hende.

Atentamente

Mustang Club Curaçao