WILLEMSTAD- Ougùstùs 2015- Diamonds Home, Hobby & Crafts ta e ‘kas’ pa tur ku ta amante di obra di man i artesania. Pa garantisá ku su klientenan ta usa produktonan di kalidat haltu, Diamonds ta sondia merkado i introdusí e mihó produktonan na su klientenan. Asina por hasi menshon ku e siman aki Diamonds ta introdusí lo último den moda di pintura di arte. ‘Dylusions Paint’ ta un pintura ku ta protehá kontra di awa, ta seka hopi lihé i ku ta aseptá tur tipo di enk di skibi sin konstipashon di e punta. Ademas di esaki, Dylusions Paint’ ta bini den un pochi ku boka hanchu kual ta hasié mas fásil pa por usa tur tipo di hèrmènt di arte, kuashi i dede. Den un palabra ‘Dylusions Paint’ ta fabuloso! E pintura ta diseñá dor di Dyan Reaveley ku ta praktiká ‘Journal Art’ kual ta un forma di ekspreshon den un diario usando palabra kombiná ku arte. Usando ‘Dylusions Paint’ bo por krea un ‘background’ impreshonante riba papel i otro materialnan. Pa motibu ku e pintura aki ta seka den mínimo tempu e ‘Journal Art’ ta aún mas fásil i plasentero. E blachinan di e diario no ta pega na otro. Ademas di e pintura aki, Diamonds tin un kolekshon amplio di papel, kanvas, kuashi i un surtido grandi di material di artesania.

Diamonds ta partisipá na su klientenan ku debí na training di nan personal, Diamonds Party i Diamonds Craft lo ta será parti mainta dianan; 31 di ougùstùs, 7 di sèptèmber i 14 di sèptèmber. Riba e dianan aki Diamonds Party lo habri 2:00pm i Diamonds Craft lo habri 12:30pm. Ta rekordá tur ku ta hasi kompra den Diamonds ku por disfrutá di konekshon di Internèt grátis! Bishitá Diamonds Home, Hobby & Craft na Zeelandia mei mei di Albert Heijn i La Curaçao na Zeelandia.