Despues di a papia ku diferente fanátiko di Festival di Tumba i alabes personanan ku ta gusta wòrdu malkriá miéntras nan ta disfrutando di un bon evento, TeleCuraçao a yega na é fórmula pa e gustadó di kos bon i eksklusivo durante di e anochi final di Festival di Tumba. E aña aki e sekshon nobo pa Festival di Tumba lo wòrdu inougurá. E sekshon kaminda kalidat, komodidat i eksklusividat lo bria pa e gustádonan di kos bon. Esaki ta sekshon Diamond. Den 2014, Diamond lo bira e sekshon kaminda abo lo konta! Pero kiko tur Diamond ta enserá i kon bo por forma parti di Diamond ? Diamond ta un “upgrade” di e sekshon Red Carpet i ta kompletamente operashonal solamente riba e delaster anochi di Festival di Tumba, pero por wòrdu uzá si durante e 3 anochinan preliminar. E diferensia ta ku ta riba e último anochi e huéspet di Diamond lo wòrdu malkriá manera e ta deseá. Preis pa sekshon Diamond ta ANG 500.00 inkluyendo OB i ta konsistí di entrada pa tur 4 anochi di tantu Red Carpet komo Diamond. E úniko diferensia ta, ku den Diamond, ta solamente riba e delaster anochi bo ta disfrutá di e servisio kompleto di catering (pasapalu i platonan ekskisito) i bar, mustrando bo banchi di djamanta ku bo lo haña na entrada. Aparte di bon servisio di catering i bar premium, Diamond tin sofa, ‘dansvloer’, mesa di kòktel, podio i wc-nan sumamente elevá, su propio entrada i weiternan eksklusivo pa abo ku ta meresé i kier ta diferente. Tur esaki ta forma parti di e eksperensia úniko di sekshon Diamond, kaminda ABO lo ta e piedra presioso pa bo bria manera un artista. Sekshon Diamond no ta wòrdu bendé los, pero solamente manera ya menshoná kaba, den forma di pakete di 4 dia pa ANG 500.00. Pero si bo ke forma parti di Diamond, bo por paga un ‘upgrade’ di ANG 235.00 riba bo pakete di Red Carpet i asina disfrutá di solamente e último anochi di Festival di Tumba, den Diamond. Pues, entregá bo entrada di Red Carpet di djabièrnè, paga un suma adishonal di ANG 235.00 i bo ta risibí bo karchi Diamond pa bo disfrutá di e último anochi di Festival di Tumba den sekshon Diamond. Mas informashon tokante e ‘ugrade’ di Red Carpet pa Diamond aki lo sigui despues. Karchinan pa sekshon Diamond na rason di ANG 500.00 ta optenibel for di djaweps 16 di yanüari 2014 na Mensing’s Caminada, ofisina di TeleCuraçao òf na ofisina di TDS riba Sta. Rosaweg. Komo servisio èkstra, bo por yama tambe na 520-5150 i gustosamente nos lo trese e karchinan te serka bo, ofresiendo bo e oportunidat di pago via di e mashinnan di swipe di MCB. Pues si ABO kier “tel” den Festival di Tumba 2014, wak pa bo ta den e sekshon Diamond, kaminda lo bo bria sigur. Pa mas informashon di e sekshon aki por yama e number di selular 520-5150