Djasabra 18 di ougústes, durante un enkuentro na Hôfi Biesheuvel, ,Músikonan ,prensa, represententantenan di negoshinan di Horeca i habitantenan, a interkambiá di pensamentu di un forma positivo, pa yega na solushonnan balansá ko por sirbi komo un base pa yega nan normanan adaptá riba altura di zonido den futuro.

E diálogo aki ta keda òrganisá, despues ku un komishon di Amak a reuni 17 di yüli ku Minister di GMN riba preokupashonnan, ku ta afektá un bon desaroyo den farándula i kultura en general na Kòrsou.

E reunion menshoná a bai di un forma ameno i sinsero, i e Ministerio a publiká den un komunikadao na prensa, tur e puntonan akordá.

Seguidamente e minister durante un konferensia di prensa, konhuntamente ku Amak , duna un splikashon di e trayekto ku lo bai sigui, i den e kaso aki a anunsiá ku lo bai tin un diálogo demokrátiko, djasabra 18 di ougústes.

Direktiva kier gradisi tur e miembronan, ku a duna oido na e yamada pa asistï na e reunion di 15 di ougústes na Festival Center, i tur esnan ku a partisipá na e diálogo demokrátiko, djasabra 18 di ougústes na Hòfi Biesheuvel, i ku nos por a yega na unresultado, ku nos ta satisfecho kune.

Un palabra gradismentu na e komishon òrganisadó i na srs Gibi Doran, Ike Jessurun i Gregory Colina, ku a yuda nos den e trayekto aki.

Danki tambe na Minister Susan Camelia Rômer, srs Axel Pikero i Alvin Daal i na Ministerio di Hustisia, Meo i Ensañnsa i kultura i e komishon “Night Life”, ku huntu ku e komishon di Amak a traha duru, pa yega na e resultado final.

Nos ta spera , ku enbérdat ku na prinsiiuo di séptember, konseho di Minister por akordá e kambionan, ku a keda aseptá pa un mayoria.