Aruba Bank ta corda tur mucha y mayor

ORANJESTAD, Aruba – 14 di November 2017: Sinterklaas y su Pietnan ta yega diadomingo awo dia 19 di november y pa 10:00am e barco lo drenta waf. Muchanan ta invita pa bin mira y yama Sinterklaas bon bini.

Diadomingo mainta e barco lo mara na e Cruise Ship Terminal unda cu lo bay tin un ceremonia pa yama Sinterklaas y Pietnan “Bon Bini”. Despues di e ceremonia nan ta sali for di e gate nr. 1 cu ta cay net riba Weststraat unda antes tabata Carlos & Charlie of Ex Ritz bira na man drechi subi L.G. Smith Blvd, pasa dilanti Royal Plaza sigui bay ariba ruta straight pasa dilanti Talk of The Town pa termina na Plaza Betico Croes.

Durante e ruta pa acompaña e parada lo tin e brommernan di Harley Davidson pero tambe lo bay tin hopi Piet, kendenan lo parti mangel p’e bon muchanan. Riba e ruta tambe ta bay tin Piet cu ta haci show y mucho mas.

Evento riba Plaza Betico Croes lo cuminsa 10:00am, mientras pa 11:00am lo tin presentacion di canto y baile di diferente grupo hubenil y infantil. Tambe p’e muchanan por sigui disfruta di e dia aki, lo tin kids corner cu dino jump, carrousel, pinta cara, tentnan di dushi cuminda y refresco pa kita sed, cotton candy, popcorn y mucho mas.

Mami y papi yega cu e muchanan diadomingo awo.