E campaña solidario mas importante di McDonald’s Tur fondo recauda cu benta di Big Mac ta bay pa Fundacion Autismo Aruba

ORANJESTAD, Aruba – 11 di november 2015: McDonald’s ta celebra McHappy Day diabierna awor dia 13 di november. Riba e dia aki 100% di loke recauda na benta di Big Mac ta bay pa Fundacion Autismo Aruba, cu ta dedica ya pa mas di 4 aña na mehora e salud y bienestar di muchanan autista. E aña aki, personahenan, empresarionan, periodistanan y lidernan di opinion y tur empleadonan di McDonald’s, entre otro e.o. Sheqayli Asencion y Quincy cu Wesley Connor, ta yuda den e restaurantnan pa McHappy Day ta un berdadero celebracion di solidaridad. Henter nos comunidad ta invita pa yega y cumpra nan Big Mac y yuda e muchanan cu mas mester di dje. McDonald’s ta spera di surpasa e record di aña pasa, unda cu a bende 901 Big Mac, como cu tur loke recauda ta bay como donacion na Fundacion Autismo Aruba. Sulina Vrolijk, Operations Supervisor ​​di Arcos Dorados na Aruba a enfatisa cu “E campaña di solidaridad aki ta esun di mas grandi cu ta conta cu e apoyo di Arcos Dorados, cu ta permiti nos na yuda miles di mucha y hoben. E campaña aki ta yena nos di entusiasmo  y satisfaccion cada aña”. Mas leu e ehecutivo di Arcos Dorados a sigui bisa cu “McHappy Day ta yena nos di orguyo, ya cu no ta solamente nos clientenan ta compromete pa yuda nos, pero tambe e compania y tur su trahadonan ta haya e oportunidad pa mustra nan solaridad y bon curason: Yudando comunidad ta uni nos como un team excepcional cu nos ta y ta demostra cu hunto nos por logra nos metanan.” Danki na e participacion di henter e comunidad, McHappy Day 2014 na Aruba a logra recauda un suma record di Afl. 12.351,00 cu a permiti pa e fundacion por a brinda mas apoyo, sosten y guia na muchanan autista y nan famia.

“Nos ta masha gradici na e participacion di McDonald’s pa cu comunidad y special cu McHappy Day, contribuyendo asina na bienestar di tur mucha y famia na Aruba”, asina Dilma Arends, Presidente di Fundacion Autismo Aruba, a enfatisa. McDonald’s na Aruba ta consientisa comunidad a traves di promocion di benta di e mannan di papel cu ta costa 1 florin pa asina apoya e mision di FAA. McDonald’s tambe ta ofrece e programa corporativo Mc Happy Day pa companianan cu kier cumpra couponnan di Big Mac na 5,70 florin pa nan empleadonan, cliente, familiar y amistadnan. E couponnan por wordo cambia pa un Big Mac durante e campaña di  McHappy Day. Durante e McHappy Day diabierna 13 di November, comunidad por demostra su apoyo dor di bishita e restaurantnan di McDonald’s y cumpra nan Big Mac. Durante McHappy Day, Arcos Dorados na Aruba ta haci 100% donacion di recaudacionnan di tur benta di Big Mac na FAA. McDonald’s ta celebra  McHappy Day tur rond di mundo pa conmemora e Declaracion di Derechonan di mucha adopta pa Nacionnan Uni desde November 1959. McHappy Day ta un evento mundial unda ta genera miyones anualmente na beneficio di organisacionan di caridad dor di e restaurantnan di McDonald’s. Arcos Dorados, e operador di  e restaurantnan  McDonald’s den e islanan Virgen y den tur e region Caribense a genera mas di $14 miyon pa e Fundacion Infantil Ronald McDonald House y otro organisacionnan caritativo pa mucha durante di e campaña di McHappy Day aña pasa.

E obhetivo di Arcos Dorados den Latino America y den Caribe ta pa haci donacion di e ganashinan di benta di 3.020.295 Big Mac pa Ronald Mc Donald House y organisacionnan caritativo local di muchanan. Durante e campaña Mc Happy Day 2014, Arcos Dorado a haci 100% di donacion di e recaudacion di benta di 2.882.620 Big Mac. Mas de 2.8 miyon cliente a participa den 20 pais den henter Caribe y Latino America. Aruba por participa e diabierna aki dor di cumpra un BIG MAC. Pa mas informacion, bishita bo restaurant di McDonald’s faborito na Aruba. Contribui cu e programa corporativo McHappy Day of yama FAA (+297) 588-1179 of email fundacion_autismoaruba@yahoo.com of yama (+297) 588-4941.