Djaweps 26 di Novèmber, ta dia di grasia, dia dia yama danki i mundialmente konosí komo “Thanks Giving”
“Thanks Giving” ta e fiesta mas grandi na Canada i tambe Estádos Unídos kaminda tur hende ta yama danki pa nan kosecha di aña i pa tur e kosnan bon ku a pasa den e aña ku ta kabando.
Mirando ku e aña aki TDS a kumpli 30 aña sirbiendo pueblo di Kòrsou, alabes agradesí kon pueblo di Kòrsou a sostené den tur e añanan aki, TDS a disidí pa usa e djaweps aki 26 di Novèmber 2015 pa yama Kòrsou kompleto danki.
Tradishon tambe ta bisa ku e djabièrnè despues di “Thanks Giving” ta e asina yama “Black Friday” kaminda ta duna hopi deskuento riba tur artíkulo. TDS a disidí di kombiná e 2 fecha nan aki i yega na 1 produkto i esaki e la yama: E Dia Di Yama Danki.
SI riba djaweps 26 di Novèmber awor, TDS lo bai habri su portanan pa 12 ora largu, kaminda lo e bai brinda henter pueblo di Kòrsou e oportunidat pa hasi uso di spesial nan nunka bisto promé.
Por ehèmpel, 1 bòks èkstra pa ANG5.00 pa luna, Kumpra bo pakete di Festival di Tumba na un preis super redusí, meskos bo por kumpra bo pakete di Baseball pa 2016 tambe den 10 pago na un preis mas barata ku normal tambe tin instalashon grátis pa esnan ku kier bira miembro riba e fecha aki.
TDS sa tambe ku tin hopi kliente ku pa motibunan finansiero porta a kai atras den nan pagonan. Aki tambe TDS ta bai yama nan danki ofresiendo nan areglonan di pago super ekonómiko pa duna nan tòg e oportunidat pa por wak televishon durante di e dianan di fiesta ku ta den porta.
Pues TUR kliente ta bon bini pa pasa djaweps awor 26 di Novèmber na TDS Vinik Plasa for di 9or di mainta te ku 9 or di anochi. Henter e personal di TDS lo bai tei presente pa yuda kada kliente pa asina tur hende por gosa di produktonan di E kompania di Televishon paga number 1 di Kòrsou.
TDS a sòru tambe pa tin un atrakshon pa e muchanan chikitu for di 5or di atardi ku pòp corn, suikerspin i frio frio grátis pa e muchanan i pa e adultonan tambe tin un kos chikí pa pasa boka kompletamente grátis. Ademas tur kliente ku bin hasi un transakshon e dia ei lo por risibí asta dòbel FunMiles dependiendo e transakshon ku nan hasi plùs un regalito komo muestra di apresio.
No pèrdè e oportunidat úniko aki djaweps dia 26 di Novèmber awor. Kòrda si ku ta di 9or di mainta te ku 9or di anochi na TDS Vinik Plasa.
Di antemano TDS kier a gradisí tur su klientenan i futuro klientenan i alabes kier a deseá Kòrsou kompleto un dushi dia di YAMA DANKI.