E aña aki ta kuminsa selebrá fo’i dia 26 den Kings Night

WILLEMSTAD – Tur aña di nobo e selebrashon Dia di Rei na Renaissance Mall & Rif Fort ta un éksito. E aña aki ta kuminsa selebrá fo’i dia 26 di aprel ku Uprising Band durante ‘Kings Night’ den Rif Fort. Uprising Band lo presentá riba e Rif Fort stage for di 7’or pa 11’or di anochi. Su siguiente dia, lo tin e popular bazar riba Dia di Rei!

Tur aña e bazar rònt di e fòntein di Renaissance Mall & Rif Fort ta yen di ambiente; lo ofresé un biaha mas un variashon di stènt ku lo bende prenda, obra di man, mata, produktonan natural i muchu mas. Tene kuenta ku e bazar ta kuminsa for di 10’or di mainta; durante henter dia lo tin animashon i rifa di premio ku lo bai kompañá ku bon músika i transmishon bibu di Dolfijn FM te ku 6’or di atardi. Tur establesimentu lo tin deskuento òf ofertanan atraktivo i diferente restorant lo tin promoshon. No lubidá di saka un foto den e photo-booth! Bishitantenan por saka nan potrèt i bira Rei òf Reina pa un dia i tene esaki komo rekuerdo di Kings Day 2018 na Renaissance Mall i Rif Fort. Ora ku e bazar tèrminá, lo sigui ku e ambiente den Rif Fort te ku 12’or di anochi ku animashon di Gino Coelho & Friends. Selebrá Dia di Rei djabièrnè awor na Renaissance Mall & Rif Fort. Pone bo mes na altura i sigui e página di Facebook!