WILLEMSTAD.- Dia di Mama 2015 tei bira e fecha kaminda pa promé biaha, Cynthia Martina i Dibo Doran lo kompartí tarima den loke tei bira un tremendo anochi di chiste. Dibo i Cynthia ta ser konsiderá nan e momentunan aki komo e ‘Rei i Reina di Chiste’ di Kòrsou. Kada un ku nan imitashon di diferente personahe aki na Kòrsou a sa di yena salanan yen di públiko ku a disfrutá di nan presentashon, awor lo bo tin chèns di haña tur dos den 1 show. ‘The Queen & King Comedy Show’ ta tuma lugá na Nolly’s Party Center situá riba Sta. Rosaweg (eks Building Depot), for di 8’or di te ku 12’or di anochi. Karchinan general na rason di 50 florin ta optenibel na Beep Beep, Tik Tak, Mensing’s Caminada i Tok Tok Wings Sta. Maria (Edifisio 24 uur uit de muur). Karchi VIP ta kosta 85 florin, inkluyendo 2 bibida i 2 snek. Pa mas informashon i reservashon di karchi VIP por yama 526-0235 òf 690-9476.  Dia di Mama, hib’é bai disfrutá di un tremendo anochi di chiste ku e ‘Rei i Reina di Chiste’, Dibo i Cynthia.