Ku presentashon di Buleria for di Aruba i Barbara St. James for di Hulanda

WILLEMSTAD – Anualmente Renaissance Curaçao Resort ta e ‘kas’ pa mayoria di e artista i músikonan ku ta presentá durante di e festival, e aña aki no ta un eksepshon. Meskos ku aña pasá, den antisipashon pa Curaçao North Sea Jazz Festival dianan 2 i 3 di Sèptèmber próksimo, Renaissance Curaçao Resort ta presentá su di dos edishon di Curaçao North Sea JAMZZ ku e aña aki lo ta dia 27 di ougùstùs próksimo.

Djasabra dia 27 di ougùstùs komunidat di Kòrsou por kuminsá eksperensiá e vibrashon musikal ku CNSJ Festival lo trese kuné, sigur ora ku presentá Barbara St. James for di Hulanda. Riba e mesun dia aki públiko por probechá di deskuentonan spesial na diferente establesimentu na Renaissance Mall i Rif Fort; lo tin un Shopping Night te ku 9’or di anochi. Ku kada kompra di 25 florin na establesimentu- i restorantnan na Renaissance Mall & Rif Fort, e kliente por tuma un kupòn pa chèns di gana karchinan di entrada pa CNSJ Festival. Por depositá e kupòn na The Candy Cave na Rif Fort, Aqua den Renaissance Mall i tambe na e Player Center di Carnaval Casino.  Lo anunsiá e ganador dia 29 di ougùstùs. 

Presentashon di artistanan lokal i internashonal; entrada grátis!

Pa e edishon aki di Curaçao North Sea JAMZZ lo tin 3 esenario; Rif Fort Stage, Fountain Stage i na Kandela Lounge. Lo tin presentashon di vários artista, inkluyendo artistanan internashonal. Entre 4’or i 11PM lo tin presentashon di entre otro DJ Lu-C, AxL & Friends, Arnell feat. Mafalda Minguel, Buleria for di Aruba i Barbara St. James for di Hulanda. Entrada ta grátis! Renaissance Curaçao Resort, Mall i Rif Fort ta invitá tur amante di bon músika pa dia 27 di ougùstùs próksimo nan sali kas disfrutá i kuminsá prepará pa e ambiente di CNSJ Festival.