Willemstad – Asina bo skucha ‘Emporia’ bo sa ku no ta simplemente un fiesta; muchu mas ku esei. Bo na punto di alkansa e top di mas haltu pa loke ta trata bon ambiente, tremendo esfera i bon musika.
Esei ta loke Emporia ta brindabo entre otro. E biaha aki ta Winter Wonderland, algu kompletamente nobo, un WTC drecha nunka bisto, ku asina bo dal un stap aden, bo ta lubida mes ku ta na Korsou bo ta. For di pafo lo bo sinti un vibrashon.  Manera bo a kustumbra ku ne kaba, e agrupashon musikal Cache Royale tei pa deleita bo henter anochi ku su repertorio amplio i varia. Mas ku klaro piesanan nobo di nan produkshon mas nobo lo zona. Karchinan ta moviendo ku hoooooopi spit mes i ta obtenibel na Tik Tak Punda, Beep Beep Rio Canario i Mensing’s Caminada na Rooi Catootje. Pa mas informashon of karchi VIP por yama, msg (sms of Whats’sapp) libremente na 690-3636. Pues dia 21 benidero bo tin un sita na WTC ku Cache Royale i DJ RO-1. No laga niun hende kontabo, bin bo mes bin eksperencia EMPORIA.