Renaissance Curaçao Resort ta invitábo:

WILLEMSTAD – E aña aki ya ta preparando pa selebrá e promé lustro di e grandioso kampaña “Island Xtravaganza” di Renaissance Curaçao Resort & Casino. Un di e aktividatnan pa lansa e kampanja di Island Xtravaganza ta un kaminata; ‘Light the Night’ pa rekoudá fondo pa Fundashon Sinta Ros, esaki ta tuma lugar dia 19 di Òktober próksimo for di 18:30pm pa 20:00pm. E aña aki tambe “Island Xtravaganza” lo brinda pueblo di Kòrsou un evento espektakular kompañá ku oportunidat pa gana hopi premio atraktivo. For di dia 12 di Òktober un i tur ku ta deseá di forma parti di e kaminata lo por kumpra nan ‘Light the Night’ T-shirt na balor di Naf. 15.00 entre 2:00pm te 8:00pm na e Renaissance Lobby. Riba dia di e kaminata tur partisipante lo reuní na fòntein di Renaissance Mall pa 18:30pm lo kuminsá ku un warm up presentá pa Caribbean Fitness Professionals siguí pa e kaminata ‘Light the Night’. Partisipantenan por kana òf kore e distansia di 5KM. E kaminata ta programá pa finalisá 8:00pm; despues di e kaminata un i tur ta keda invitá pa keda sosialisá i ‘cool down’ den e Cool Down After Party ku lo tuma lugar den Rif Fort i ta konta ku entretenimentu di D’Edge i DJ Ro-1. Ta bon pa menshoná ku tur fondo rekoudá riba e dia di kaminata lo bai pa Fundashon Sinta Ros. Pa reservashon i informashon di ‘Light the Night’ por yama: 435-5042. Riba e mesun dia aki lo tin un Health & Beauty Fair i un Fashion Show entre 4PM pa 7PM. Ku e kaminata‘Light the Night’ Renaissance Mall, Rif Fort i Carnaval Casino ta duna inisio na e tremendo temporada di e kampaña ‘Island Xtravaganza’. Hopi ta esnan ku ta pendiente pa e kampaña aki, ya ku esaki ta kuminsá marka e temporada di fin di aña tambe. Un i tur ku bishitá Renaissance Mall, Rif Fort i Casino pa shòp, relahá òf purba nan suerte lo tin oportunidat di forma parti di e kampaña aki ku chèns di gana premionan fabuloso. Keda pendiente pa mas informashon di e kampaña ‘Island Xtravaganza’. Dia 19 di Òktober próksimo pueblo di Kòrsou kompletu ta keda invitá pa kontribuí ku Fundashon Sinta Ros i partisipá den e kaminata ‘Light the Night’.