Plein Air Curaçao

WILLEMSTAD – Djamars dia 28 di febrüari último su ekselensia Gobernador interino señora Michele Russel-Capriles a hasi apertura ofisial di e di seis edishon di Plein Air Curaçao International Art Festival. E apertura a konta ku 20 artista internashonal, artista lokal i invitado spesial.

Di 23 di febrüari pa 4 di mart e artistanan internashonal i lokal a i lo pinta den áreanan habrí rònt Kòrsou, di pariba te pabou. Kada dos aña Kòrsou ta esenario pa ‘Plein Air Curaçao’. Debí na e éksito rotundo di e añanan anterior, Art Foundation Curaçao ta organisando ‘Plein Air Curacao International Art Festival’ pa di 6 biaha.

E tema di e aña aki ta ‘Plein Air Cultural Heritage’. Tur dia lo por atmirá i kumpra pinturanan di artista lokal i internashonal na nos Gallery na Hanchi Snoa 27, ku ta habrí di 9’or di mainta te 6 or atardi.

Na e okashon aki a entregá un plakat di gratitut na señor Eduardo Ribeiro, ku te aña pasá a fungi komo vise presidente di e fundashon, i na señora Patricia Bar Clarke, ku a partisipá tur seis biaha na e evento.