E Torneo di Sòftbòl Komersial aki a kuminsá bou di otro nòmber organisá e tempu aya dor di SBAB. Despues di 5 aña MCB a tuma e Torneo aki pa 3 aña over i e dun’e e nòmber di “HOPE” ku te dia djawe e ta karga ainda. Despues ta SOAB a organisá e Torneo pa 3 aña, sigui pa Aqualectra un tres aña mas. Lamentabel ta ku pa 2 aña sigui esta 2020 i 2021 dor di COVID no tabata posibel pa organisá e Torneo.
Edishon 2022 esta e 15 Torneo “HOPE” lo wòrdu organisá dor di un komishon forma dor di Van Engelen Ball Park Foundation huntu ku personanan klave di e kompanianan ku den pasado a organisá “HOPE” kaba.
Tur wega di “HOPE” lo hunga na Van Engelen Ball Park.
E Torneo ta start djabièrnè 25 di Mart 2022 i lo tin un durashon di 5 fin di siman sigui pa terminá 24 di Aprel 2022.
E kategorianan den kua lo organisá weganan di sòftbòl lo ta:
- Sosial maskulino, femenino i kombiná e asina yama kategoria Co-Ed
- Challenger
- Sosial Open na unda te un máksimo di 3 kompania por forma un ekipo.
- Den 2022 lo purba organisá un kategoria nobo ku lo ta Sosial 40+ maskulino
Inskripshon pa kada kategoria ta kosta ANf. 350,00 pero lo apliká un deskuento si un kompania inskribí den mas ku 1 kategoria.
Por inskribí via e-mail na: hopecur2022@gmail.com
Pa mas informashon por pidi esaki solamente via app na 5613481 i gustosamente lo manda via e-mail Reglanan di “HOPE” 2022” i e formulario di inskripshon.
Inskripshon ta sera 17 di Mart 2022! Importante ta pa inskribí mas lihé ku ta posibel pa sigurá partisipashon di bo empresa.
Komishon Organisadó