“Tur cu tin” cu e gruponan Empire y Noord Fantasy Presentando un Super Premium Bar

ORANJESTAD, Aruba – Januari 2016: Tropical Bottling Company y Brouwerij Nacional Balashi ta masha contento cu e acogida cu e Super Premium Bar y  bunita diseño di e disfraznan di Empire Carnival Group y Noord Fantasy Carnival Group ta ricibiendo for di Carnavalistanan di curason. Registracionnan ta yenando lihe pa e dos gruponan cu ta ofrece un ambiente excelente cu e bandanan Buleria – pa Empire, y Delicious – pa Noord Fantasy, cu ya tur hende a haya un “voorproefje” di dje durante di e parada di flambeu.

E partnership entre e marcanan top di bebida y e gruponan aki ta haci posibel pa ofrece e miho marcanan di bebida riba e mercado local y internacional. Representante di Dewar’s White Label y Dewar’s 12yrs, Grey Goose y Bacardi, esta Guiver Scholten ta hopi entusiasma di por promove e marcanan cu ta ganadonan di diferente reconocimento top den e mundo di bebida. Scholten a expresa durante di un evento recientemente organisa na Hamaka Sidewalk Cafe pa introduci e gruponan di Carnival Empire y Noord Fantasy Carnival Group, cu e reaccion di comunidad particularmente durante di e fiestanan di Fin di Aña pa cu Dewar’s tabata tremendo. Specialmente e Dewar’s 12yrs, cu ta un double-aged whisky, ta tumando e mercado “by storm” y a sigura su luga como un di e marca preferi entre amantenan di whisky di calidad halto. No ta nada straño pues cu Dewar’s ta ganado di tanto reconocimento di caliber.

Grey Goose vodka den su segmento no ta keda atras tampoco y ta sigui keto bay como e “number one”, esta e “top selling vodka” mundialmente. Orguyoso di por representa e marcanan cu ta mundialmente entre esunnan mas conoci y reconoci di whisky, vodka y rum, Tropical Bottling Company y Brouwerij Nacional Balashi ta invita Carnavalistanan pa uni na Empire y Noord Fantasy  Carnival Group y disfruta di un dushi Carnival cu e miho ambiente, e miho musica y super premium bar incomparabel.