Curaçao Airport Partners (CAP) a tuma e desishon pa posponé e destaho kaminda e kompania lo a pidi kompanianan ku ta hür outo un oferta pa por skohe un di e seis konseshon eksklusivo pa operá negoshi di hürmentu di outo na èrport.  E proseso tabata plania pa kuminsá na komienso di sèptèmber.  Debí na un desishon den korte resientemente, ku aktualmente ta keda apelá, a surgi insertidumbre tokante di e posibel sanshonnan ku por  tuma kontra di aktividatnan ilegal di kompanianan ku ta hür outo na èrport.  CAP lo posponé e destaho te ku na momentu ku por establesé kiko por hasi kontra di kompanianan ku ta hür outo violando Airport Regulations (A.B. 1971, 10.) Mientrastantu CAP lo sigui kolaborá ke e kompanianan di hür outo ku tin outorisashon pa hasi negoshi i hür outo na èrport ku pèrmit di CAP.  Ta trata aki di e kompanianan Hertz, Avis, Thrifty, National/Alamo i Budget.  CAP ta gradesido pa servisio konfiabel i profeshonal ku e kompanianan di hür outo outorisá na èrport ta ofresé i nan kontinuo invershon i kontribushon positivo na e eksperensha di e pasaheronan i kresementu di turismo di Kòrsou.