Willemstad, Djadumingu 6 di yüli Teatro Luna Blou ta presentá un biaha mas  “Dede den kas di Ansiano”. Despues di diferente petishon pa pasa un funshon mas di e obra Dede den Kas di Ansiano, Teatro Luna Blou ta komplasé pueblo di Kòrsou ku esaki. Djadumingu awor 6 di yüli pa 3or di atardi, lo tin e tremendo obra aki. Skibi i Dirigí pa Lady Rose den Teatro Luna Blou. E obra aki a bira un hit aña pasa, ora ku e la sòru pa yena un total di 40 funshon kompletamente sold out. Pues si aña pasa bo no a haña e oportunidat pa bin wak e, esaki ta bo chèns. Pasa kumpra bo karchi awe mes, pa bo no bolbe pèrd’é. Karchi ta na balor di Nalf. 27,50 i ta optenibel na takia di Teatro Luna Blou, Time to Time na Saliña i na Servei Sta. Maria. Pa mas informashon yama teater Luna Blou na 462-2209. Por chek riba nos facebook: Luna Blou of La Tentashon.