Willemstad – 45 aña serka e mesun doño trabou ta muestra di konfiansa i lealtat. Esei ta e kaso serka señora Vilma Ilario ku despues di 45 aña di labor awor ta baha ku penshun. Gerensia i koleganan di Maduro & Curiel’s Bank ta hopi orguyoso i kontentu ku Vilma a forma parti di e tim ekstraordinario di nos Banko. Vilma su trayektoria na MCB tabata impreshonante. Vilma ta konta ku despues di 30 di mei 1969 su ruman mas grandi tabata traha na Kamara di Komèrsio i a pidi señor Lio Capriles ku e tempu ei tabata Voorzitter na Kamara di Komèrsio un pida kos di hasi p’e. Asina Vilma a drenta den servisio ku 17 aña. Vilma a traha den diferente departamentu durante e 45 añanan i for di 1979 na Departamento di Rekurso Humano. Vilma tin hopi rekuerdo bunita di e 45 añanan di servisio. Durante e selebrashon di Vilma su añanan na Banko, Vilma ta trese dilanti ku ela hasi su trabou ku hopi amor i dedikashon i ta yama gerensia danki p’e oportunidatnan ku ela haña den Banko. Gerensia i koleganan ta yama Vilma danki pa 45 aña di amistat i servisio leal na nos Banko.